మాస్‌ మహారాజా రవితేజ హీరోగా నటిస్తున్న తాజా చిత్రం ‘ఈగల్’. కార్తీక్‌ ఘట్టమనేని డైరెక్షన్‌లో వస్తున్న ఈసినిమాలో అనుపమపరమేశ్వరన్ హీరోయిన్‌గా నటిస్తుంది. కావ్య థాపర్ మరో కీలక పాత్రలో నటిస్తోంది. ఈ సినిమాను సంక్రాతి కానుక‌గా జనవరి 13న విడుద‌ల చేయ‌నున్న‌ట్లు ఇప్పటికే మూవీ యూనిట్ ప్రకటించిన సంగతి తెలిసిందే.
అయితే ఇప్పడు సంక్రాంతి రేసు నుంచి తప్పుకుంటున్నట్లు ప్రకటించింది. తాజాగా విడుద‌ల తేదీని వాయిదా వేస్తూ.. కొత్త విడుద‌ల తేదీని ప్రకటించింది. ఈ సంక్రాంతికి బాక్సాఫీస్ వద్ద పలు సినిమాలు పోటీ పడుతున్నాయి. వాటిలో సూపర్‌ స్టార్‌ మహేష్‌ బాబు నటించిన ‘గుంటూరు కారం’, వెంకటేష్ ‘సైంధవ్’ సినిమాలు కూడా ఉన్నాయి.
ఈ సినిమాలే ఎక్కువ శాతం థియేట‌ర్‌లు బుక్ చేసుకోగా.. ఉన్న కొన్ని థియేట‌ర్‌ల‌ను ‘హనుమాన్’ద‌క్కించుకుంది. ఈ క్రమంలో ఈగల్ విడుద‌ల వాయిదా వేయాలని తెలంగాణ ఫిలిం ఛాంబర్‌, తెలుగు ఫిలిం ప్రొడ్యూసర్స్‌ కౌన్సిల్ కోర‌గా.. ఈగల్ వాయిదా వేస్తూ.. చిత్ర యూనిట్ ప్రకటించింది.
దీనితో పాటు కొత్త‌గా విడుద‌ల తేదిని ప్రకటించింది. ఈ సినిమాను ప్ర‌పంచ‌వ్యాప్తంగా ఫిబ్ర‌వ‌రి 09న విడుద‌ల చేయ‌నున్న‌ట్లు చిత్ర‌బృందం సోష‌ల్ మీడియాలో రాసుకోచ్చింది. దీంతో సంక్రాంతి పోటీ నుంచి రవితేజ తప్పుకున్నాడు.
