Bigg Boss 8 Telugu Wildcard Entry:
బిగ్ బాస్ తెలుగు సీజన్ 8 ప్రారంభంలో భారీ అంచనాలు ఉన్నా, ప్రేక్షకులను ఆకట్టుకోవడంలో విఫలమవుతోంది. షోలో ఎప్పుడూ గొడవలు, తగువులు కొనసాగుతుండటంతో ప్రేక్షకులు ఆసక్తి కోల్పోతున్నారు. ముఖ్యంగా, బిగ్ బాస్ సీజన్లలో మునుపటి సరదా టాస్కులు, వినోదం ఈ సీజన్‌లో కనిపించకపోవడంతో అభిమానులు నిరాశ చెందుతున్నారు.
ఈ పరిస్థితి నుండి బయటపడేందుకు, షో నిర్వాహకులు సరికొత్త సర్వైవల్స్ రేస్ కోసం వైల్డ్ కార్డ్ ఎంట్రీలను ప్లాన్ చేస్తున్నారు. గత సీజన్లలో ఇలా చేయడం వల్ల మంచి ఫలితాలు వచ్చాయి. సోషల్ మీడియాలో ప్రస్తుతం ఏడుగురు కొత్త కంటెస్టెంట్ల గురించి రూమర్లు వినిపిస్తున్నాయి. ఇందులో ఐదుగురు ఇప్పటికే బిగ్ బాస్ సీజన్లలో పాల్గొన్న వారు అని తెలుస్తోంది.
సీజన్ 1లో మూడవ స్థానంలో నిలిచిన హరితేజ మరోసారి బిగ్ బాస్ హౌస్‌లో ప్రవేశించే అవకాశం ఉందట. సీజన్ 3లో తన ప్రత్యేకమైన ఆటతీరుతో గుర్తింపు తెచ్చుకున్న కమెడియన్ రోహిణి కూడా వస్తారని సమాచారం. సీజన్ 4లో హాస్యంతో ప్రేక్షకుల్ని ఆకట్టుకున్న అవినాష్ కూడా మరోసారి రావచ్చు అని ఊహాగానాలు వినిపిస్తున్నాయి. అలాగే, సీజన్ 7 నుండి శోభా శెట్టి, టేస్టీ తేజ కూడా రెండవ అవకాశం పొందుతారని టాక్ నడుస్తోంది.
Read More: Bigg Boss 8 Telugu లో ఈ వారం బాటం లో ఉన్న హౌస్ మేట్స్ వీళ్లేనా?
వైల్డ్ కార్డ్స్‌లో కొత్త కంటెస్టెంట్లు కూడా ఉంటారని రూమర్లు ఉన్నాయి. రీతూ చౌదరి, కవ్యా కూడా బిగ్ బాస్ హౌస్‌లో ప్రవేశించే అవకాశముంది. వీరిద్దరూ ప్రస్తుతం హౌస్‌లో ఉన్న కంటెస్టెంట్లకు సన్నిహితులు. ఈ సీజన్‌లో డసరా సమయంలో “బిగ్ బాస్ 8 2.0” పేరుతో వైల్డ్ కార్డ్ ఎంట్రీలు జరగనున్నట్లు చెబుతున్నారు. మరి ఈ ట్విస్ట్ తర్వాత అయినా మంచి రెస్పాన్స్ వస్తుందో లేదో చూడాలి.
