మలయాళీ నటుడు దుల్కర్‌ సల్మాన్ గురించి పెద్దగా పరిచయం అవసరం లేదు. టాలీవుడ్‌లో మహునటి, సీతారామం సినిమాల్లో నటించి మంచి గుర్తింపు తెచ్చుకున్నాడు. ప్రస్తుతం దుల్కర్‌ తెలుగులో ఒక సినిమా చేస్తున్న విష‌యం తెలిసిందే. వెంకీ అట్లూరి డైరెక్షన్‌లో వస్తున్న ఈ సినిమాకి ‘లక్కీ భాస్కర్‌’ అనే టైటిల్‌ ఫిక్స్‌ చేశారు.
మీనాక్షి చౌదరి హీరోయిన్‌గా నటిస్తున్న ఈ సినిమా షూటింగ్ శ‌ర‌వేగంగా జరుగుతుంది. ఈ నేప‌థ్యంలో మూవీ నుంచి ఫ‌స్ట్ లుక్ విడుదల చేశారు మేకర్స్‌. డబ్బు కట్ల మధ్యలో నడుచుకుంటూ వస్తున్న ఈ లుక్ నెటజన్లను ఆకట్టుకుంటుంది. దీంతో ఈ సినిమా మనీ చూట్టూ తిరుగనున్నట్లు తెలుస్తుంది.
ఈ సినిమాలో దుల్కర్‌ సల్మాన్ బ్యాంకు ఉద్యోగిగా క‌నిపించ‌బోతున్న‌ట్లు స‌మాచారం. సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయిసౌజన్య ఈ సినిమాను నిర్మిస్తున్నారు. ఈ చిత్రానికి జీవీ ప్రకాష్‌ కుమార్ సంగీతం అందిస్తున్నాడు.
