మెగా పవర్‌స్టార్ రామ్ చరణ్, యంగ్ టైగర్ ఎన్టీఆర్ హీరోలుగా నటించిన మల్టీస్టారర్ గా దర్శక ధీరుడు రాజమౌళి డైరెక్షన్‌లో వచ్చిన చిత్రం ‘ఆర్ఆర్ఆర్’. మార్చి 25 న విడుదలైన ఈ సినిమా మరోసారి తెలుగు ఖ్యాతిని ప్రపంచానికి చూపించింది. ఒకటి కాదు రెండు కాదు 1000 కోట్లు కలెక్ట్ చేసి బాక్సాఫీస్ ని షేక్ చేసింది. ఇక ఈ నేపథ్యంలో ఆర్ఆర్ఆర్ సినిమా నుంచి ఒక్కటొక్కటిగా ఫుల్ వీడియో సాంగ్స్ ను మేకర్స్ విడుదల చేస్తున్నారు. ఇప్పటికే ఈ సినిమా నుంచి రిలీజైన వీడియో సాంగ్స్ యూట్యూబ్ ను షేక్ చేస్తున్న విషయం తెలిసిందే . తాజాగా ఈ చిత్రం నుంచి దోస్తీ సాంగ్ వీడియోను మేకర్స్ రిలీజ్ చేశారు. ఐదు భాషల్లో ఐదుగురు గాయకులు పాడిన ఈ సాంగ్ కు కీరవాణి సంగీతం వహించాడు. ఇక వీడియోలో రామరాజు, భీమ్ ల నిష్కల్మషమైన స్నేహాన్ని చూపించారు.
వేర్వేరు లక్ష్యాలతో ఉన్న ఇద్దరు యువకులు స్నేహ బంధంతో ఒక్కటి అయితే .. రెండు విభిన్న ధృవాల మధ్య స్నేహం కుదిరితే ఎలా ఉంటుంది అనేది ఈ పాటలో చూపించారు. స్క్రీన్ పై రామ్ చరణ్, తారక్ లది నటన అని అనలేనంతగా వారు జీవించి చూపించారు. ఇక ప్రస్తుతం ఈ పాట సోషల్‌ మీడియాలో వైరల్ గా మారింది. ఇక మరో విశేషం ఎంతటి .. ఈ సాంగ్ ను దివంగత లెజండరీ లిరిసిస్ట్ సిరివెన్నెల సీతారామశాస్త్రి రాయడం.. ఆ పవర్ ఫుల్ పదాలు రాయడం ఆయనకే చెందుతుంది. ఈ సాంగ్ తో మరోసారి అందరు ఆయనను గుర్తుచేసుకుంటున్నారు.
