టాలీవుడ్ క్రేజీహీరో విజయ్ దేవరకొండ ప్రస్తుతం పూరి జగన్నాద్ సినిమాతో బిజీగా ఉన్నాడు. ఇటీవల వరల్డ్ ఫెమస్ లవర్ సినిమా విజయ్ అభిమానులను దారుణంగా నిరాశపరిచింది. దాంతో పూరి తో చేస్తున్న సినిమా పై విజయ్ పూర్తి దృష్టి పెట్టాడు. ఈ సినిమా షూటింగ్ శరవేగంగా జరుగుతుంది. ఈ సినిమాకు ఫైటర్, లైగర్ అనే ఇంట్రస్టింగ్ టైటిల్స్ ను పరిశీలిస్తున్నారు.
ఇక ఈ సినిమాలో హీరోయిన్ గా అనన్య పాండే నటిస్తున్న విషయం తెలిసిందే. అయితే ముందు ఈ సినిమాలో జాన్వీ కపూర్ ను హీరోయిన్ గా తీసుకోనున్నారని ప్రచారం జరిగింది. అయితే ఆ తరువాత బాలీవుడ్ హాట్ బ్యూటీ దిశాపటాన్ని కూడా పూరి సంప్రదించాడట. గతం లో పూరి జగన్నాద్ తెరకెక్కించిన ‘లోఫర్’ సినిమాలో దిశాపటాని నటించింది. అయితే ఈ సారి విజయ్ సరసన ఈ భామ నటించడానికి నో చెప్పిందని తెలుస్తుంది. దాంతో వెంటనే అనన్యను సంప్రదించారట .ఇటీవల సెట్‌లో తీసిన ఫొటోలు కూడా బయటికి వచ్చాయి. విజయ్, అనన్య జోడీ బాగుందని నెటిజన్లు కామెంట్లు పెట్టారు. బాక్సింగ్‌ నేపథ్యంలో ఈ చిత్రం తెరకెక్కనుందని తెలుస్తుంది.
