టాలీవుడ్‌లో ‘లోఫర్’ సినిమాతో ఎంట్రీ ఇచ్చిన బ్యూటీ ‘దిశా పటాని’. ఆ సినిమా పెద్దగా ఆడలేదు. దాంతో అమ్మడికి ఇక్కడ అవకాశాలు రాలేదు. దాంతో బాలీవుడ్ సినిమాలపై దృష్టి పెట్టింది ఈ అమ్మడు. అక్కడ అవకాశాలతో పాటు అభిమానులను కూడా సంపాదించుకుంది. అలాంటి దిశా పటానీని మళ్లీ తెలుగు తెరకి తీసుకొచ్చే ప్రయత్నాలు జరుగుతున్నాయని తెలుస్తోంది.
స్టైలీష్‌ స్టార్‌ అల్లు అర్జున్.. సుకుమార్ దర్శకత్వంలో ‘పుష్ప’ సినిమా రూపొందుతున్న సంగతి తెలిసిందే. ఈ సినిమాలో హీరోయిన్ పాత్ర కోసం రష్మికను తీసుకున్నారు. ఇక ఐటమ్ సాంగ్ కోసం దిశా పటానిని సంప్రదిస్తున్నట్టుగా సమాచారం. గతంలో సుకుమార్.. దేవిశ్రీ కాంబినేషన్లో వచ్చిన ఐటమ్ సాంగ్స్ దుమ్మురేపేశాయి. అలాగే ఈ సినిమాలోను మాస్ ఆడియన్స్ ను ఒక ఊపు ఊపేసే ఐటమ్ సాంగ్ ఉందట. ఆ పాటలో బన్నీతో కలిసి దిశా పటాని మెరవనున్నట్లు తెలుస్తుంది.
