Prabhas Bollywood Movies:
ఈ రోజుల్లో మల్టీ-స్టారర్, మల్టీ-యూనివర్స్ సినిమాలకు ప్రేక్షకులలో విపరీతమైన క్రేజ్ ఉంది. ఈ తరహా చిత్రాల్లో న‌టీనటుల క్రేజీ కాంబినేష‌న్లు ప్రేక్షకులను థియేటర్లకు ఆకర్షిస్తున్నాయి. సబ్జెక్ట్‌కి తగిన బడ్జెట్ ఉన్నప్పుడు, ఈ సినిమాలకు పెద్ద మార్కెట్ కూడా ఉంటుంది. ప్రస్తుతం పాన్-ఇండియా రేంజ్‌లో ప్రభాస్ అత్యంత ప్రతిష్టాత్మకమైన హీరోగా ఉన్నారు. అయితే, తాజాగా అందుతున్న సమాచారం ప్రకారం, ప్రభాస్ ఒక క్రేజీ మల్టీ-స్టారర్ చిత్రాన్ని తిరస్కరించారు.
మైత్రి మూవీ మేకర్స్ సంస్థ టాలీవుడ్‌లో అగ్రస్థానంలో ఉండే బ్యానర్. వారు ప్రభాస్‌తో కలిసి ఒక చిత్రాన్ని సిద్ధార్థ్ ఆనంద్ దర్శకత్వంలో తీయాలని ప్రణాళికలు వేశారు. సిద్ధార్థ్ ఆనంద్, షారుక్ ఖాన్‌తో చేసిన పఠాన్ చిత్రంతో భారీ విజయాన్ని సాధించారు. ఈ విజయంతో టాప్ స్టార్స్ అతనితో పని చేయడానికి ఆసక్తి చూపుతున్నారు. ఈ నేపథ్యంలో, సిద్ధార్థ్ ఆనంద్ ఒక మల్టీ-స్టారర్ కథను రూపొందించారట. ఇందులో షారుక్ ఖాన్ కూడా ప్రధాన పాత్రలో నటించడానికి సిద్ధమయ్యారు.
ఈ సినిమాలో మరో కీలక పాత్ర కోసం సిద్ధార్థ్ ఆనంద్ ప్రభాస్ ను సంప్రదించారు. అయితే, అనూహ్యంగా ప్రభాస్ ఈ సినిమాకి నో చెప్పారు. ప్రభాస్ తనకు మల్టీ-స్టారర్ సినిమాలపై ఆసక్తి లేదని తెలిపారట. సిద్ధార్థ్ ఆనంద్‌కి మల్టీ-స్టారర్ కాన్సెప్ట్ లేకుండా కొత్త కథ రాయాలని చెప్పారట.
ప్రస్తుతం ప్రభాస్ మారుతి దర్శకత్వంలో ‘రాజా సాబ్’ సినిమా షూటింగ్‌లో బిజీగా ఉన్నారు. హను రాఘవపూడి దర్శకత్వంలో ‘ఫౌజీ’ అనే చిత్రంలో కూడా నటిస్తున్నారు. వచ్చే ఏడాది సాందీప్ రెడ్డి వంగా దర్శకత్వంలో ‘స్పిరిట్’, నాగ్ అశ్విన్ దర్శకత్వంలో ‘కల్కి 2’ చిత్రాలను కూడా షూట్ చేయడానికి సిద్ధమవుతున్నారు.
ALSO READ: Lucky Baskhar లో భాస్కర్ స్పెల్లింగ్ వెనుక ఇంత కథ ఉందా?
