సూపర్‌స్టార్ Mahesh Babu తన సినిమాలతో, నటనతో ఫ్యాన్స్ ను మెస్మరైజ్ చేయడంలో ఎప్పుడూ ముందే ఉంటారు. తాజాగా మహేష్ బాబు కి జాతీయ అవార్డు రాలేదు అంటూ ఫ్యాన్స్ నిరాశ చెందుతున్నారు. సర్కారు వారి పాట సినిమాకి నిర్మాతగా మహేష్ బాబు జాతీయ అవార్డు అందుకుంటారని అందరూ అనుకున్నారు.
సర్కారు వారి పాట సినిమా బ్యాంక్ రికవరీ ఏజెంట్లు తక్కువ మొత్తంలో రుణాలు తీసుకున్న వారి నుండీ, రైతుల నుండీ బలవంతంగా డబ్బులు రాబట్టే కాన్సెప్ట్ మీద ఉంటుంది. ఈ సినిమాకు మహేష్ బాబు ప్రధాన నిర్మాతగా వ్యవహరించారు. జాతీయ అవార్డుల కమిటీ వారు ఈ సినిమాను ఉత్తమ చిత్రంగా ఎంపిక చేస్తారని అందరూ ఆశించారు.
ఈ సినిమాలో చిత్ర డైరెక్టర్ పరశురామ్ చిన్న, పెద్ద రుణదారులకు ఉన్న తేడాను బాగానే చూపించారు. ఈ సందేశం బాగానే ఉన్నప్పటికీ, ఈ అవార్డును పొందడంలో మహేష్ బాబు విఫలం అయ్యారు. అయితే దానికి కారణం సినిమాలో కాన్సెప్ట్ బాగానే ఉన్నా కూడా.. అనవసరమైన సన్నివేశాలు, హీరోయిన్ తో సెకండ్ హాఫ్ లో ఉండే కొన్ని సన్నివేశాలు కొంతమందికి అభ్యంతరకరంగా అనిపించాయి. కాన్సెప్ట్ కంటే కమర్షియల్ ఏలిమెంట్లు ఎక్కువగా హై లైట్ అయ్యాయి. దీంతో సినిమా అవార్డు అందుకోలేకపోయింది అని కొందరు అంటున్నారు..
ప్రస్తుతం ఎస్.ఎస్. రాజమౌళి దర్శకత్వంలో Mahesh Babu నటించబోయే సినిమా తన కెరీర్‌లోనే అత్యంత ప్రతిష్టాత్మకంగా ప్రేక్షకుల ముందుకు రాబోతోంది. మహేష్ బాబు కెరియర్ లో 29 వ సినిమాగా రాబోతున్న ఈ చిత్రం పై భారీ అంచనాలు నెలకొన్నాయి.
