నేచురల్ స్టార్ నాని హీరోగా నటిస్తున్న తాజా చిత్రం ‘దసరా’. సుధాకర్ చెరుకూరి నిర్మిస్తున్న ఈ సినిమాకి శ్రీకాంత్ ఓదెల దర్శకత్వం వహించాడు. రామగుండం బొగ్గు గనులకి సంబంధించిన పరిసరాలలో నడిచే కథ ఇది. ఫస్టు లుక్ పోస్టర్ తోనే ఈ సినిమాపై అంచనాలు పెంచేశారు మేకర్స్‌. కీర్తి సురేశ్ ఈ సినిమాలో హీరోయిన్‌గా నటించింది.
తాజాగా ఈ సినిమా నుంచి లిరికల్ సాంగును విడుదల చేశారు. ‘ ‘ఇచ్చి పడేద్దాం .. గుచ్చి పడేద్దాం .. ఎవ్వడడ్డమొత్తడో చూద్దాం .. బాంచత్. ధూమ్ ధామ్ దోస్తాన్ .. ఇరగమరగా జేద్దాం’ అంటూ ఈ పాట సాగుతోంది. సంతోష్ నారాయణ్ సంగీతాన్ని సమకూర్చిన ఈ పాటకి కాసర్ల శ్యామ్ సాహిత్యాన్ని అందించాడు. మార్చి 30వ తేదీన ఈ సినిమాను భారీ స్థాయిలో విడుదల చేస్తున్నారు.
