భారత స్టార్ క్రికెటర్ సాక్షి సింగ్ ధోనీ నిర్మాతగా ‘LGM’ సినిమా రూపొందుతున్న విషయం తెలిసిందే. ధోనీ బ్యానర్ లో నిర్మితమైన మొదటి సినిమా ఇది. కామెడీ కథాంశంతో రూపొందుతున్న ఈ మూవీలో హరీష్ కల్యాణ్, ఇవాన జంటగా నటిస్తున్నారు. ఈ సినిమాకు రమేశ్ తమిళమణి డైరెక్టర్.
తమిళంతో పాటు తెలుగులోనూ ఈ సినిమాను ఆగస్టు 4న విడుదల చేస్తున్నారు. రిలీజ్ డేట్ దగ్గర పడటంతో ప్రమోషన్స్ వేగం పెంచారు. అందులో భాగంగానే ఈ సినిమా నుంచి తాజాగా ఒక వీడియో సాంగ్ రిలీజ్ చేశారు.
‘లలనా .. లలనా ప్రేమ ఒళ్లో పడ్డానా’ అంటూ ఈ పాట సాగుతోంది. హీరో, హీరోయిన్‌పై బీచ్‌లో నైట్‌లో చిత్రీకరించిన పాట ఇది. ఈ సినిమాకి సంగీతాన్ని కూడా రమేశ్ తమిళమణి అందించడం విశేషం. నదియా, యోగిబాబు, దీపా శంకర్ ఇతర ముఖ్య పాత్రలను పోషించారు. ‘లవ్ టుడే’ సినిమాతో తెలుగులోను యూత్ ను ఆకట్టుకుంది ఇవాన. ఈ సినిమాతో తెలుగులో మరింత అభిమానులు పెరిగే అవకాశం ఉంది.
