పాన్‌ ఇండియా స్టార్ ప్రభాస్ హీరోగా నటించిన చిత్రం ‘రాధేశ్యామ్’. ఈ సినిమా దర్శకుడు రాధాకృష్ణ కుమార్ ఆ తరువాత ఎక్కడా కనిపించలేదు. ఏ ప్రాజెక్టుకు సంబంధించి ఆయన పేరు వినిపించలేదు.
తాజాగా ధనుశ్ హీరోగా ఒక ప్రాజెక్టును పట్టాలెక్కించే పనిలో ఉన్నాడనే టాక్ వినిపిస్తోంది. ధనుశ్ కి ఆయన కథ వినిపించడం .. ధనుశ్ గ్రీన్ సిగ్నల్ ఇవ్వడం జరిగిపోయిందని అంటున్నారు. యాక్షన్ ప్రధానంగా సాగే ఈ సినిమాను యూవీ క్రియేషన్స్ వారు నిర్మించనున్నారని వార్తలు వినిపిస్తున్నాయి. తెలుగు .. తమిళ భాషల్లో ఈ సినిమా నిర్మితమవుతుందని సమాచారం.
