త‌మిళ స్టార్‌ హీరో ధనుష్ నటించిన తాజా చిత్రం ‘సార్’. ద్విభాష చిత్రంగా తెర‌కెక్కుతున్న ఈ సినిమాకి వెంకీ అట్లూరి ద‌ర్శ‌క‌త్వం వ‌హిస్తున్నాడు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రం నుండి మేకర్స్ తాజాగా టీజ‌ర్‌ను విడుదల చేశారు.
ఈ టీజర్ మొత్తం ధనుష్ వ‌న్ మ్యాన్ షోలా కనిపిస్తుంది. లెక్చ‌ర‌ర్‌గా ధనుష్ యాక్ష‌న్ సీన్లు వేరే లెవల్లో ఉన్నాయి. యాక్ష‌న్ డ్రామా నేప‌థ్యంలో తెర‌కెక్కుతున్న ఈ సినిమాలో సంయుక్త మీన‌న్ హీరోయిన్‌గా న‌టిస్తుంది. జీవి. ప్ర‌కాష్ కుమార్ సంగీతం అందిస్తున్న ఈ చిత్రాన్ని సితార ఎంట‌ర్టైన‌మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. ప్ర‌స్తుతం ధనుష్ నటించిన తిరుచిత్రంబ‌లం, నానే వ‌రువ‌న్..విడుద‌ల‌కు సిద్ధంగా ఉన్నాయి. ఇక ఈయ‌న నటించిన హాలీవుడ్ చిత్రం ‘ది గ్రే మ్యాన్’ నెట్‌ఫ్లిక్స్‌లో స్ట్రీమింగ్ అవుతుంది.
