కోలీవుడ్ స్టార్ హీరో ధనుష్ తెలుగులోనూ మంచి ఫాలోయింగ్ ఏర్పరచుకున్నాడు. టాలీవుడ్‌లోనూ.. ధనుష్‌కి మంచి ఫాలోయింగ్ ఉంది. తాజాగా ధనుష్ ‘సార్’ అనే స్ట్రెయిట్ తెలుగు సినిమా చేస్తున్న సంగతి తెలిసిందే. టాలీవుడ్ యంగ్ డైరెక్టర్ వెంకీ అట్లూరి దర్శకత్వంలో తెలుగు తమిళ భాషల్లో ”సార్” మూవీ తెరకెక్కుతోంది. దీనికి తమిళ్ లో ‘వాతి’ అనే టైటిల్‌ని ఫిక్స్ చేశారు. ఇప్పటికే విడుదలైన ప్రీ లుక్ పోస్టర్ సినిమాపై ఆసక్తిని కలిగించింది.
రేపు ధనుష్ పుట్టినరోజును పురస్కరించుకుని ఈరోజు బుధవారం ‘సార్’ ఫస్ట్ లుక్ పోస్టర్‌ను విడుదల చేశారు. ఇందులో ధనుష్ ఒక లైబ్రరీలో కూర్చొని టేబుల్ ల్యాంప్ వెలుతురులో తీవ్రంగా అధ్యయనం చేస్తూ నోట్స్ ప్రిపేర్ చేస్తున్నట్లు కనిపిస్తుంది. రేపు సాయంత్రం 6 గంటలకు ఈ మూవీ టీజర్ విడుదల కనున్నట్లు పోస్టర్ ద్వారా వెల్లడించారు. ఈ సినిమాని ఫార్చ్యూన్ ఫోర్ సినిమాస్ తో కలిసి సితార ఎంటర్టైన్మెంట్స్ సంస్థ రూపొందిస్తోంది. శ్రీకర స్టూడియోస్ కూడా నిర్మాణంలో భాగస్వామిగా ఉంది. పీడీవీ ప్రసాద్ సమర్పణలో సూర్యదేవర నాగ వంశీ మరియు త్రివిక్రమ్ శ్రీనివాస్ సతీమణి సాయి సౌజన్య సంయుక్తంగా నిర్మిస్తున్నారు. జీవీ ప్రకాష్ కుమార్ ఈ బైలింగ్విల్ చిత్రానికి సంగీతం సమకూరుస్తున్నారు.
