కోలీవుడ్‌ స్టార్‌ హీరో ధనుష్‌ కేవలం తమిళంలోనే కాకుండా హాలీవుడ్‌, బాలీవుడ్‌, టాలీవుడ్‌ చిత్రాల్లోనూ ఆయన నటిస్తున్నారు. ఇప్పటికే శేఖర్‌కమ్ములతో ఓ ప్రాజెక్ట్‌ ఓకే చేసిన ధనుష్‌.. తాజాగా మరో తెలుగు డైరెక్టర్‌తో కొత్త సినిమాని పట్టాలెక్కించారు. వెంకీ అట్లూరి డైరెక్షన్‌లో ‘సార్‌’ సినిమా చేయనున్నారు. ఈ మూవీ తమిళం, తెలుగు భాషల్లో ఈ సినిమా ప్రేక్షకుల్ని అలరించనుంది. తమిళంలో ‘వాతి’అనే టైటిల్‌తో తెరకెక్కుతుంది. సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ బ్యానర్ లపై నిర్మించనున్న ఈ సినిమాకు జీవీ ప్రకాష్ కుమార్ సంగీతం అందిస్తున్నారు. సంయుక్త హీరోయిన్‌గా నటిస్తోంది. ఈ విషయాలను తెలియజేస్తూ మేకర్స్‌ ఓ మోషన్‌ పోస్టర్‌ని విడుదల చేశారు. త్వరలోనే ఈ సినిమా రెగ్యులర్‌ షూట్‌ ప్రారంభం కానుంది.
