మాస్ మహరాజ్ రవితేజ తాజా చిత్రం ధమాకా. భారీ ఓపెనింగ్స్‌తో మొదలైన ధమాకా మూవీ అదిరిపోయ కలెక్షన్లు రాబడుతోంది. రవితేజ, శ్రీలీల జంటగా నటించిన ధమాకా మూవీ ఫస్ట్ డేనే హిట్ టాక్ తెచ్చుకుంది. బాక్సాఫీస్ వద్ద కలెక్షన్ల వర్షం కురిపిస్తోంది. ఈ నెల 23న విడుదలైన ఈ చిత్రం 3 రోజుల్లో 32 కోట్లకు పైగా గ్రాస్ కలెక్ట్ చేసింది.
హిట్ కోసం ఎదురు చూస్తున్న రవితేజకు ఈ సినిమా కిక్ ఇచ్చిందనే చెప్పాలి. హీరోయిన్ శ్రీలీలకు కూడా ఈ సినిమా విజయం ప్లస్ కానుంది. నక్కిన త్రినాథరావు దర్శకత్వం వహించిన ఈ సినిమా పీపుల్ మీడియా ఫ్యాక్టరీ బ్యానర్‌లో రూపొందించబడి విజయవంతంగా దూసుకుపోతోంది. ఈ ఏడాది రవితేజ నుంచి మూడో సినిమా ఇది. ఈ సినిమాలో రవితేజ డిఫరెంట్ లుక్స్‌తో సందడి చేశాడు. ఈ మూవీకి భీమ్స్ సిసిరోలియో సంగీతం అందించారు.
ప్రస్తుతం ధమాకా సినిమాకు గట్టి పోటీ ఇచ్చే సినిమాలు ఏవీ లేకపోవడం రవితేజకు కలిసొచ్చే అంశం. ఈ సినిమా తర్వాత రవితేజ, శ్రీలీల చెరో మూడు ప్రాజెక్టులు చేయబోతున్నారు.
MassMaharaja @RaviTeja_offl 's
MASSive 3️⃣ Days
MASS Rampage 💥#DhamakaBlockBuster in Cinemas Now 🥳🤩#DhamakaBook your tickets nowhttps://t.co/iZ40p9utmY@sreeleela14 @TrinadharaoNak1 @vishwaprasadtg @vivekkuchibotla @KumarBezwada pic.twitter.com/6sD6Ev5F7O
— People Media Factory (@peoplemediafcy) December 26, 2022
