తెలంగాణ మంత్రి కేటీఆర్ కొద్ది రోజుల క్రితం త‌న సోష‌ల్ మీడియాలో యువ గాయని శ్రావ‌ణి టాలెంట్‌కు సంబంధించిన వీడియో షేర్ చేసిన సంగతి తెలిసిందే. ఈ వీడియో మ్యూజిక్‌ డైరెక్టర్‌లు థ‌మ‌న్, దేవి శ్రీ ప్ర‌సాద్‌ల‌ని ట్యాగ్ చేశారు. కేటీఆర్ ట్వీట్‌కి స్పందించిన దేవి శ్రీ .. శ్రావ‌ణి టాలెంట్‌కు ఫిదా అయ్యాన‌ని, భవిష్యత్తులో తాను నిర్వహించే షోలలో కూడా ఆమెకు అవకాశం ఇస్తామని అన్నాడు.
తాజాగా దేవి శ్రీ ప్రసాద్, శ్రావాణితో దిగిన ఫొటోల‌ని షేర్ చేస్తూ.. కేటీఆర్ సర్ మీకు ఇచ్చిన మాట నిలబెట్టుకున్నాను. తమిళంలో నిర్వహిస్తున్న ‘స్టార్ టు రాక్ స్టార్’ కార్యక్రమంలో శ్రావణికి అవకాశం ఇచ్చాను. మెదక్ జిల్లాకు చెందిన ఆ ప్రతిభావంతురాలైన గాయని శ్రావణిని గుర్తించాం. ఆమెను విమానంలో చెన్నై తీసుకెళ్లాం. ‘స్టార్ టు రాక్ స్టార్’ కార్యక్రమంలో ఆమె ‘లైమ్ లైట్’ రౌండ్ లో పాల్గొంది. నిజంగానే ఆమె షేక్ చేసింది. ఈ ఎపిసోడ్ జీ తమిళ్ చానల్లో జులై 18 ఆదివారం నాడు రాత్రి 7.30 గంటలకు ప్రసారం అవుతుంది” అని వివరించారు. దీనికి స్పందించిన కేటీఆర్ మీ స్పంద‌న అమోఘం అంటూ ట్వీట్‌లో పేర్కొన్నారు.
I kept up my promise Dear @KTRTRS sir❤️
Located d Talented singer #SHARVANI frm NARAINGI,MEDAK..dat U tweeted about..
We Flew her down 2 CHENNAI n featured her in d #LIMELIGHT ROUND of our #StarToRockstarShe Rocked😁🎶👏🏻
Watch it on @ZeeTamil SUNDAY 18th at 7.30PM@surentips https://t.co/BVigXFqlEi pic.twitter.com/hdJuforvun
— DEVI SRI PRASAD (@ThisIsDSP) July 16, 2021
