న్యూ ఇయర్‌ సందర్భంగా ఫ్యాన్స్‌కి అదిరిపోయే ట్రీట్‌ ఇచ్చాడు ఎన్టీఆర్. ఆర్‌ఆర్‌ఆర్‌ తరువాత ఎన్టీఆర్ హీరోగా నటిస్తున్న పాన్‌ ఇండియా మూవీ ‘దేవర’. ఈ మూవీని ప్రకటించినప్పటి నుండి ఈ సినిమాపై ఫ్యాన్స్‌లో భారీ హైప్స్‌ ఏర్పడ్డాయి. ఈ క్రమంలో నేడు ఈ మూవీకి సంబంధించిన అప్డేట్‌ అందించారు. దేవర గ్లింప్స్‌ను జ‌న‌వ‌రి 8న రిలీజ్ చేయ‌బోతున్న‌ట్లు ఎన్టీఆర్ ప్ర‌క‌టించాడు.
దీంతోపాటుగా కొత్త పోస్ట‌ర్‌ను విడుదల చేశారు. ఈ పోస్ట‌ర్‌లో స‌ముద్రాన్ని చీల్చుకుంటూ వ‌స్తోన్న ప‌డ‌వ‌లో ఎన్టీఆర్ నిల్చుని క‌నిపిస్తున్నాడు. ప్రస్తుతం ఈ పోస్ట‌ర్ సోష‌ల్ మీడియాలో వైర‌ల్ అవుతోంది. ఈ సినిమాలో స‌ముద్ర తీర ప్రాంతాల ప్ర‌జ‌ల స‌మ‌స్య‌ల‌పై పోరాడే నాయ‌కుడి పాత్ర‌లో ఎన్టీఆర్ క‌నిపించ‌బోతున్న‌ట్లు టాక్‌.
కొర‌టాల శివ డైరెక్షన్‌లో వస్తున్న ఈ సినిమాతో బాలీవుడ్‌ నటి, శ్రీదేవి పెద్ద కూతురు జాన్వీ క‌పూర్ హీరోయిన్‌గా టాలీవుడ్‌లో ఎంట్రీ ఇస్తుంది. భారీ బ‌డ్జెట్‌తో హ‌రి కోస‌రాజు, సుధాక‌ర్ మిక్కిలినేనితో క‌లిసి ఈ సినిమా క‌ళ్యాణ్ రామ్ నిర్మిస్తున్నాడు. ఈ మూవీ రెండు పార్ట్‌లుగా విడుదల కానుంది. ఫ‌స్ట్ పార్ట్‌ను ఈ ఏడాది ఏప్రిల్ 5న ప్రేక్ష‌కుల ముందుకు రాబోతోంది.
అందరికీ నూతన సంవత్సర శుభాకాంక్షలు! Wishing you all a very Happy New Year.
Can’t wait for you all to experience the glimpse of #Devara on Jan 8th. pic.twitter.com/RIgwmVA6e0
— Jr NTR (@tarak9999) January 1, 2024
