Deepika Padukone to Janhvi Kapoor పాన్‌ ఇండియా మూవీలతో టాలీవుడ్ ఖ్యాతి పెరిగిపోయింది. తెలుగు సినిమాలకు దేశవ్యాప్తంగా డిమాండ్ పెరిగిపోయింది. ఈ క్రమంలో ఇతర భాష నటీనటులు కూడా టాలీవుడ్‌లో నటించేందుకు ఆసక్తి చూపిస్తున్నారు. ఒకప్పుడు బాలీవుడ్ బ్యూటీలు టాలీవుడ్‌వైపు రావాలంటే భారీగా రెమ్యూనరేషన్ డిమాండ్ చేసేవారు. వాళ్ల డిమాండ్స్‌కు నిర్మాతలు భయపడిపోయేవారు.
కానీ ఇప్పుడు పరిస్థితి పూర్తిగా మారిపోయింది. టాలీవుడ్ దర్శకులు బాలీవుడ్‌లో కూడా తమ సత్తా చూపించడం.. అంతేకాకుండా టాలీవుడ్ సినిమా ప్రపంచ స్థాయికి తీసుకెళ్లిన దర్శకులు ఇక్కడ ఉండటం ఇప్పుడు బాలీవుడ్ భామలు మనవైపు చూసేందుకు ఇష్టపడుతున్నారు. తెలుగు సినిమాల్లో అవకాశం వస్తే చాలు అనుకుంటున్నారు.
అలాగని బాలీవుడ్‌ను వదిలేయడం లేదు. టాలీవుడ్‌లోనూ జెండా పాతేస్తున్నారు. బాలీవుడ్‌లో స్టార్ హీరోయిన్ కియారా అద్వానీ అక్కడ వరుస సినిమాలతో దూసుకెళ్తోంది. అక్కడ అవకాశాలు బాగానే ఉన్నాయి కదా మరి ఇక్కడ టాలీవుడ్‌లో కూడా బిజీ అవుతోంది. గేమ్‌ఛేంజర్‌లో రామ్‌చరణ్ పక్కన హీరోయిన్‌గా నటిస్తోంది.
శ్రీదేవి కూతురు జాన్వీ ఇప్పటి వరకు హిందీలోనే హీరోయిన్‌గా నటించింది. ఇప్పుడు దేవరతో టాలీవుడ్‌లో ఎంట్రీ ఇస్తోంది. అంతేకాదు రామ్‌చరణ్‌తో బుచ్చిబాబు సినిమాలోనూ హీరోయిన్‌గా నటిస్తోంది.
కెరీర్ కొత్తలో నేనొక్కడినే, దోచేయ్ సినిమాలు చేసింది కృ‌తి సనన్. ఆ తర్వాత గతేడాది ఆదిపురుష్‌ సినిమాతో తెలుగు ఆడియన్స్‌ను పలకరించింది. అవకాశం వస్తే ఇంకా తెలుగు సినిమాల్లో చేయడానికి సిద్ధంగా ఉంది ఈ బ్యూటీ.
పాన్ఇండియా హీరో ప్రభాస్ హీరోగా నటిస్తున్న తాజా చిత్రం కల్కీ. నాగ్ అశ్వీన్‌ డైరెక్షన్‌లో వస్తున్న ఈ సినిమా త్వరలో విడుదల కానుంది. ఈ మూవీలో బాలీవుడ్ బ్యూటీ దీపికా పడుకోణె హీరోయిన్‌గా నటిస్తుంది. తెలుగులో దీపికాకు ఇదే తొలి సినిమా కావడం విశేషం.
