ప్రముఖ దివంగత దర్శకుడు దాసరి నారాయణరావు రెండో కుమారుడు దాసరి అరుణ్‌కుమార్‌పై బంజారాహిల్స్‌ పోలీస్‌స్టేషన్‌లో కేసు నమోదు చేసి అరెస్ట్ చేసినట్టు తెలిసింది. అరుణ్‌కుమార్‌ కారు ర్యాష్‌ డ్రైవింగ్‌ చేస్తూ 2 బైకులను ఢీ కొట్టాడు.
ఆ సమయంలో అతడు మద్యం సేవించి ఉన్నట్లు పోలీసులు అనుమానిస్తున్నారు. యాక్సిడెంట్‌కి సంబంధించిన సీసీటీవీ ఫుటేజ్‌ని పరిశీలిస్తున్నారు. కాగా అరుణ్‌కుమార్‌ ఇప్పటికే సామాన్యుడు, చిన్న, ఆది విష్ణు వంటి పలు సినిమాల్లో నటించిన సంగతి తెలిసిందే.
