దగ్గుబాటి వెంకటేష్-రానా కాంబినేషన్‌లో ఓ మల్టీస్టార్‌ తెరకెక్కించలనే ప్రయత్నాలు ముమ్మరం అయ్యాయి. అభిమానులు కూడా చాలా కాలంగా ఈ కాంబినేషన్‌ కోసం ఎదురుచూపులు చూస్తున్నారు. అయితే ఇటీవల ఓ ఇంటర్వ్యూలో మాట్లాడిన బాబాయ్, అబ్బాయిలు తమ కాంబో సినిమా చర్చల్లో ఉందని, ఓకే అయిన వెంటనే చేస్తామని చెప్పారు. ఈ సినిమాకు దర్శకుడు దొరికాడనే వార్తలు వినిపిస్తున్నాయి. శతమానంభవతి సినిమాతో జాతీయ స్థాయిలో గుర్తింపు తెచ్చుకున్న సతీష్ వేగేశ్న ఈ మల్టీస్టారర్‌ను చిత్రీకరించనున్నాడట. ఆయన ప్రస్తుతం కొతి కొమ్మచ్చి అనే సినిమా చేస్తున్నాడు. ఇటీవల వెగేశ్న సురేష్ బాబుకి ఓ కథ వినిపించాడట. ఈ కథ నచ్చడంతో సురేష్ బాబు ఈ సినిమాకు గ్రీన్ సిగ్నల్ ఇచ్చారట. ఇక అన్నీ కుదిరితే వచ్చే ఏడాదే ఈ సినిమాని ప్రారంభించనున్నట్లు సమాచారం.
దగ్గుబాటి మల్టీస్టార్‌ మూవీకి డైరెక్టర్‌ అతనేనా!
