టాలీవుడ్‌ యంగ్‌ టైగర్‌ ఎన్టీఆర్- బాలీవుడ్ డైరెక్టర్ సంజయ్ లీలా భన్సాలీ కాంబినేషన్‌లో ఓ గ్రాండ్ పౌరాణిక చిత్రం రాబోతోందంటూ కొన్ని రోజులుగా వార్తలు చక్కర్లు కొడుతున్నాయి. ఈ క్రమంలో ఈ సినిమా టైటిల్ కూడా దాదాపు ఖరారైపోయిందంటూ ఇప్పుడు మరో ఆసక్తికరమైన వార్త సోషల్‌ మీడియాలో చక్కర్లు కొడుతుంది. దానికి ‘జై భవ్ రే’ అనే వెరైటీ టైటిల్ ను ఫిక్స్ చేశారన్న ప్రచారం ఊపందుకుంది. ఈ సినిమాను పాన్ ఇండియా స్థాయి లో తెలుగు, హిందీ, తమిళం, మలయాళం, కన్నడ భాషల్లో తెరకెక్కించనున్నట్టు సమాచారం. త్వరలోనే దీనిపై అధికారిక ప్రకటన వస్తుందని అంటున్నారు.
