Nandamuri Balakrishna VD12:
విజయ్ దేవరకొండ ప్రధాన పాత్రలో నటిస్తున్న VD12 సినిమా తెలుగు సినీప్రేక్షకులను ఆకర్షించేందుకు సిద్ధమవుతోంది. గౌతమ్ తిన్ననూరి దర్శకత్వంలో తెరకెక్కుతున్న ఈ చిత్రం విజయ్ కెరీర్‌లోని కీలకమైన చిత్రంగా నిలవనుంది. రొమాంటిక్, యూత్‌ఫుల్ పాత్రల్లో మెప్పించిన విజయ్, ఈ సినిమాలో కొత్తగా, మాస్ అవతారంలో కనిపించబోతున్నారు. ఈ రూపంలో ఆయనను చూడడానికి అభిమానులు ఆసక్తిగా ఎదురుచూస్తున్నారు.
ఈ సినిమా టీజర్ త్వరలోనే విడుదల కాబోతుందని చిత్ర యూనిట్ ప్రకటించడంతో అందరిలో కొత్త ఉత్సాహం కనిపిస్తోంది. ఇటీవల వార్తల ప్రకారం, ఈ టీజర్‌కు ప్రముఖ నటుడు నందమూరి బాలకృష్ణ వాయిస్ ఓవర్ ఇవ్వబోతున్నారనే వార్తలు వినిపిస్తున్నాయి. తన వాయిస్ లో ఉన్న గంభీరత సినిమాపై ఇంతకుముందెప్పుడూ లేని ఉత్సాహాన్ని అభిమానుల్లో రేపుతోంది.
His Destiny awaits him.
Mistakes.
Bloodshed.
Questions.
Rebirth.28 March, 2025.#VD12 pic.twitter.com/z2k0qKDXTC
— Vijay Deverakonda (@TheDeverakonda) August 2, 2024
ఇది అధికారికంగా కన్ఫర్మ్ అవ్వలేదు కానీ, బాలయ్య వాయిస్ ఓవర్ అనే వార్తే అభిమానులలో కొత్త ఉత్సాహం తెచ్చింది. టీజర్ పై అంచనాలను మరింతగా పెంచింది. ఇప్పటి వరకు విజయ్ దేవరకొండ ఎక్కువగా యువతను ఆకట్టుకునే విధంగా ఉండే పాత్రల్లోనే కనిపించారు. కానీ ఈసారి గౌతమ్ తిన్ననూరి దర్శకత్వంలో ఆయన పూర్తి మాస్ అవతారంలో కనిపించబోతున్నారు.
గౌతమ్ తన వైవిధ్యమైన కథనంతో ప్రేక్షకులను ఆకట్టుకునే విధానాన్ని మెప్పిస్తారనే నమ్మకం ఉంది. అందులో బాలయ్య వాయిస్ జోడిస్తే టీజర్‌కి మరింత బలం చేకూరుతుందని అభిమానులు భావిస్తున్నారు.
ఈ ఏడాదిలో అత్యంత ఆసక్తిగా ఎదురుచూస్తున్న చిత్రాల్లో ఒకటైన ‘VD12’ త్వరలో విడుదలకు ముస్తాబవుతోంది.
ALSO READ: Pushpa 2 సినిమాకి హిందీ బాక్స్ ఆఫీస్ టార్గెట్ ఎంతంటే!
