టాలీవుడ్‌లో హాస్యనటుడు మధునందన్ ‘ఇష్క్’ ‘గుండే జారి గల్లంతయ్యిందే’ ‘గీతాంజలి’ ‘ఒక లైలా కోసం’ ‘టాక్సీవాలా’ వంటి సినిమాలతో మంచి గుర్తింపు తెచ్చుకున్నాడు. తాజాగా మధునందన్ హీరోగా ఎంట్రీ ఇవ్వబోతున్నాడు. ఈ సినిమా ‘గుండె కథ వింటారా’ టైటిల్‌తో తెరక్కెకుతుంది. వంశీధర్ దర్శకత్వం వహిస్తున్న ఈ చిత్రాన్ని ట్రినిటీ పిక్చర్స్ బ్యానర్ పై క్రాంతి మంగళంపల్లి మరియు అభిషేక్ చిప్ప కలిసి నిర్మిస్తున్నారు. ఇందులో మధునందన్ సరసన స్వాతిష్ట కృష్ణన్ మరియు శ్రేయా నావిలే హీరోయిన్‌లుగా నటించారు. తాజాగా ఈ సినిమా ఫస్ట్ లుక్ పోస్టర్ ని చిత్ర యూనిట్ విడుదల చేసింది.
ఈ ఫస్ట్ లుక్ పోస్టర్ లో ఫుల్ గడ్డంతో ఉన్న మధునందన్ సిగరెట్ తాగుతూ.. బైక్ పై కూర్చొని ఏదో తీవ్రంగా ఆలోచిస్తున్నట్లు కనిపిస్తుంది. టైటిల్ తో పాటు ఈ పోస్టర్ కూడా సినిమాపై మంచి ఆసక్తిని కలిగిస్తోంది. ఈ చిత్రానికి రవివర్మన్ నీలిమేఘం- సురేష్ భార్గవ్ సినిమాటోగ్రఫీని అందిస్తున్నారు. మసాలా కాఫీ సంగీతం సమకూరుస్తున్నారు. సాయి కిరణ్ ముద్దం ఎడిటింగ్ వర్క్ చేస్తున్న ఈ చిత్రానికి కృష్ణ చైతన్య సాహిత్యం అందిస్తున్నారు. ఈ సినిమా చిత్రీకరణ పూర్తి చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ చిత్రం త్వరలోనే ప్రేక్షకుల ముందుకు రానుంది.
