హీరోయిన్ ‘కలర్స్’ స్వాతి చాలాకాలం తర్వాత సిల్వర్ స్క్రీన్‌పై సందడి చేయబోతుంది. కృష్ణవంశీ డైరెక్షన్‌లో వచ్చిన డేంజర్ సినిమాలో కీలక పాత్ర పోషించిన స్వాతి ఆ తర్వాత పలు సినిమాలలో నటించి క్రేజ్ తెచ్చుకుంది. అయితే, కెరీర్ మంచి పీక్స్‌లో ఉండగానే పెళ్లి చేసుకొని ఇండస్ట్రీకి దూరంగా ఉంది. ఆ మధ్య మళ్ళీ కార్తికేయ సీక్వెల్ సినిమాతో మళ్ళీ స్వాతి ఎంట్రీ ఇస్తుందని సోషల్ మీడియాలో ప్రచారం జరిగింది. కానీ అవన్నీ కేవలం గాసిప్స్ మాత్రమే. స్వాతి మళ్ళీ సిల్వర్ స్క్రీన్ మీద కనిపించబోతున్న తాజా చిత్రం మూవీ ‘మంత్ ఆఫ్ మధు’.
ఈ మూవీలో నవీన్ చంద్ర హీరోగా నటిస్తున్నాడు. శ్రీకాంత్ నాగోతి దర్శకత్వం వహిస్తున్నారు. ‘భానుమతి అండ్ రామకృష్ణ’ సినిమాని నిర్మించిన క్రిషివ్ ప్రొడక్షన్స్ హ్యాండ్ పిక్డ్ స్టోరీస్ మేకర్స్ పతాకంపై యశ్వంత్ ములుకుట్ల నిర్మిస్తున్నారు. తాజాగా ఈ మూవీ ఫస్ట్ లుక్ టైటిల్ పోస్టర్ ని చిత్రబృందం విడుదల చేసింది. ఈ పోస్టర్ ప్రేక్షకులను ఆకట్టుకుంటోంది.
