బాలీవుడ్‌ కపుల్స్‌ రణ్‌బీర్‌ కపూర్‌, ఆలియా భట్‌ జంటగా తొలిసారి నటించిన చిత్రం ‘బ్రహ్మాస్త్ర’. తెలుగులో బ్రహ్మాస్త్రం పేరుతో విడుదల కానుంది. యే జవానీ హై దీవానీ తెరకెక్కించిన అయాన్‌ ముఖర్జీ సరిగ్గా పదేళ్ల తర్వాత ఈ మూవీని రూపొందించాడు. ఇటీవలే టీజర్‌తో పాటు నటీనటుల లుక్స్‌ రిలీజ్‌ చేసిన చిత్రయూనిట్‌ తాజాగా ఓ స్పెషల్‌ వీడియో విడుదల చేసింది. ఇందులో చిరంజీవి బ్రహ్మాస్త్రం సినిమా ట్రైలర్‌కు వాయిస్‌ అందించాడు. ఆ బ్రహ్మాస్త్రం యొక్క విధి తన అరచేతి రేఖల్లో చిక్కుకుందన్న విషయం ఆ యువకుడికే తెలియదు. అతడే శివ.. అంటూ హీరో గురించి పరిచయం చేశాడు. మరి ట్రైలర్‌ చూడాలంటే మాత్రం జూన్‌ 15 వరకు ఆగాల్సిందే!
ఈ సినిమాలో అమితాబ్‌ బచ్చన్‌, నాగార్జున, మౌనీ రాయ్‌ తదితరులు నటిస్తున్నారు. ఈ మూవీ హిందీతో పాటు తెలుగు, తమిళం, కన్నడ, మలయాళం భాషల్లో సెప్టెంబర్‌ 9న విడుదల కానుంది. ఇదిలా ఉంటే మూవీ ప్రమోషన్స్‌లో భాగంగా రాజమౌళి, రణ్‌బీర్‌, దర్శకుడు అయాన్‌ ముఖర్జీ ఇటీవల వైజాగ్‌లో సందడి చేసిన విషయం తెలిసిందే.
