టాలీవుడ్‌.. స్టార్ హీరో మెగాస్టార్ చిరంజీవి ఇండస్ట్రీలోకి రీ ఎంట్రీ ఇచ్చిన తరువాత వరుస సినిమాలతో దూసుకుపోతున్నారు. ఖైదీ నెంబర్ 150, సైరా సినిమా తరువాత మెగాస్టార్ కొరటాల డైరెక్షన్‌లో ఓ సినిమా చేస్తున్న సంగతి తెలిసిందే. ఈ సినిమా షూటింగ్ కూడా స్టార్ట్ అయ్యింది. అయితే, కరోనా కారణంగా ఈ మూవీ షూటింగ్ వాయిదా పడింది. కరోనా ఎఫెక్ట్‌ తగిన తరువాత తిరిగి షూటింగ్ ప్రారంభిస్తారు.
అయితే, ఈ సినిమా తరువాత మెగాస్టార్ చిరంజీవి మలయాళం సినిమా లూసిఫర్ సినిమా చేస్తారని అంటున్నారు. కాగా ఇప్పటికే ఈ సినిమా రైట్స్‌ని రామ్ చరణ్ కొనుగోలు చేశారు. మోహన్ లాల్- పృథ్విరాజ్ నటించిన ఈ సినిమా మలయాళంలో సూపర్ హిట్ అయ్యింది. తెలుగులో మెగాస్టార్.. రామ్ చరణ్ కాంబినేషన్లో సినిమా చేస్తారని వినికిడి. అయితే, మెగాస్టార్ చిరంజీవి కొన్ని ఆసక్తికర విషయాలు వెల్లడించారు. ఒకవేళ తమ్ముడు పవన్ ఈ సినిమా చేస్తాను అంటే దీనిని పవన్ కు ఇచ్చేస్తానని అన్నారు. మరి ఈ విషయంలో పవన్ కళ్యాణ్ ఎలా స్పందిస్తాడో చూడాలి. అయితే ఇప్పటికే పవన్ కల్యాణ్‌ మూడు సినిమాలకు కమిట్ అయ్యి ఉన్నాడు. వకీల్ సాబ్, క్రిష్ సినిమా, హరీష్ శంకర్ సినిమాలు లైన్లో ఉన్నాయి.
