మిస్ శెట్టి మిస్టర్ పొలిశెట్టి సినిమాను మెగాస్టార్ చిరంజీవి ప్ర‌త్యేకంగా వీక్షించాడు. ట్విట్ట‌ర్ వేదిక‌గా అనుష్క, నవీన్ పొలిశెట్టితో పాటు సినిమా యూనిట్‌పై ప్రశంసలు
కురిపించారు చిరంజీవి. అనుష్క, నవీన్ పొలిశెట్టి జంటగా రూపొందిన మిస్ శెట్టి మిస్టర్ పొలిశెట్టి మూవీ సెప్టెంబ‌ర్ 7న థియేట‌ర్ల‌లో రిలీజ్ కానుంది. ఈ సినిమాను మెగా స్టార్ చిరంజీవి ప్ర‌త్యేకంగావీక్షించారు. అనుష్క, నవీన్ పొలిశెట్టి, డైరెక్ట‌ర్ మ‌హేష్‌బాబుతో పాటు చిత్ర యూనిట్‌పై చిరంజీవి ప్రశంసలు కురిపించారు.
సినిమా యూనిట్‌తో క‌లిసి దిగిన ఫొటోల‌ను చిరంజీవి ట్విట్ట‌ర్‌లో పోస్ట్ చేశారు. నేటి యువత ఆలోచ‌న విధానాన్ని ప్ర‌తిబింబిస్తూ సరికొత్త క‌థాంశంతో డైరెక్ట‌ర్ మ‌హేష్ బాబు ఈ సినిమాను తెర‌కెక్కించార‌ని చిరంజీవి అన్నారు. మొదటి నుంచి చివరి వ‌ర‌కు హిలేరియ‌న్ ఎంట‌ర్‌టైన‌ర్‌గా ఉందని, ఈ మూవీ తనను ఎంతగానో ఆక‌ట్టుకుందని అన్నారు.
నవీన్ పొలిశెట్టి జాతిర‌త్నాలు మూవీకి రెట్టింపు వినోదాన్ని ఈ సినిమాతో అందించాడ‌ని అన్నారు. కొంచెం గ్యాప్ త‌ర్వాత క‌నిపిస్తున్నా మ‌రింత బ్యూటిఫుల్‌గా ఉన్న దేవ‌సేన అనుష్క ఈ సినిమాకు ప్రాణం పోసింద‌ని చిరంజీవి ప్రశంసలు కురిపించారు. మిస్ శెట్టి మిస్టర్ పొలిశెట్టికి తొలి ప్రేక్ష‌కుడిని తానే అంటూ ఫ‌న్నీగా ఈ ట్వీట్‌లో చిరంజీవి పేర్కొన్నారు. సినిమాలోని హిలేరియస్ మూవ్‌మెంట్స్‌ను తాను ఎంతగానో ఎంజాయ్ చేసినట్లు తెలిపారు.
మిస్ శెట్టి మిస్టర్ పొలిశెట్టి మూవీ ప్రేక్షకులను 100 శాతం న‌వ్విస్తుందనడంలో సందేహం లేద‌ని అన్నారు. డైరెక్ట‌ర్ మ‌హేష్ బాబును చిరంజీవి అభినందించారు. ప్రస్తుతంచిరంజీవి ట్వీట్ వైర‌ల్ అవుతోంది. స‌రోగ‌సీ కాన్సెప్ట్ ఫ‌న్ ఎంట‌ర్‌టైన‌ర్‌గా ద‌ర్శ‌కుడు మ‌హేష్ బాబు పి మిస్ శెట్టి మిస్టర్ పొలిశెట్టి సినిమాను తెర‌కెక్కించారు. దాదాపు మూడేళ్లవిరామం త‌ర్వాత అనుష్క ఈ సినిమాలో కనిపిస్తోంది.
‘మిస్ శెట్టి – మిస్టర్ పోలిశెట్టి’ చూశాను.. మొదటి నుంచి చివరి దాకా ఎంతగానో ఆకట్టుకున్న హిలేరియస్ ఎంటర్టైనర్. నేటి యువత ఆలోచనా విధానాన్ని రిఫ్లెక్ట్ చేస్తూ తీసుకున్న సరికొత్త కధాంశం, ‘జాతి రత్నాలు’ కి రెట్టింపు ఎనర్జీ ని, వినోదాన్ని అందచేసిన నవీన్ పోలిశెట్టి, కొంచెం గ్యాప్… pic.twitter.com/ADJVt6ins6
— Chiranjeevi Konidela (@KChiruTweets) September 5, 2023
