మెగాస్టార్‌ చిరంజీవి వరుస సినిమాలతో దూసుకుపోతున్నాడు. ప్రస్తుతం ఆయన ఆచార్య, గాడ్‌ ఫాదర్‌, భోళా శంకర్ వంటి చిత్రాలతో బిజీగా ఉండగా తాజాగా మరో కొత్త సినిమాను ప్రకటించాడు. చిరంజీవి 156వ చిత్రంగా ఈ మూవీ తెరకెక్కనుంది. ఛలో, భీష్మ వంటి హిట్‌ చిత్రాలతో గుర్తింపు పొందిన డైరెక్టర్‌ వెంకీ కుడుముల దర్శకత్వంలో ఈ మూవీ రూపొందనుంది. డీవీవీ ఎంటర్‌టైన్‌మెంట్స్‌ పతాకంపై డీవీవీ దానయ్య నిర్మిస్తున్నారు. డాక్టర్‌ మాధవి రాజు సహనిర్మాతగా వ్యవహరిస్తున్నారు. త్వరలోనే ప్రారంభంకానున్న ఈ చిత్రానికి సంబంధించిన మరిన్ని వివరాలు కొన్ని రోజుల్లో తెలియనున్నాయి. చిరంజీవి నటించిన తాజా చిత్రం ‘ఆచార్య’ 2022 ఫిబ్రవరి 4న ప్రేక్షకుల ముందుకు రానుంది.
Extremely delighted to announce a film with Megastar @KChiruTweets garu under the direction of Successful Director @VenkyKudumula. It’s a dream come true for us. Co Produced by Dr. Madhavi Raju. Rolling soon… #MegaStarWithMegaFan pic.twitter.com/QyvWAzotss
— DVV Entertainment (@DVVMovies) December 14, 2021
