ప్రస్తుతం టాలీవుడ్‌లో మల్టీస్టారర్ సినిమాల ట్రెండ్ నడుస్తోంది. ఇప్పటికే మహేష్‌ బాబు, పవన్ కల్యాణ్, వరుణ్ తేజ్‌లతో కలిసి మల్టీస్టారర్లలో నటించాడు సీనియర్‌ హీరో విక్టరీ వెంకటేశ్. మంచు మనోజ్ చిత్రంలో బాలయ్య కలిసి నటించాడు. నానితో కలిసి నాగార్జున మురిపించారు. తాజాగా జూనియర్ ఎన్టీఆర్, రామ్ చరణ్ కలిసి rrr సినిమాతో ప్రేక్షకులను అలరించనున్నారు.
ఈ నేపథ్యంలో ఓ ఆసక్తికర వార్త ఫిలింనగర్ లో చక్కర్లు కొడుతోంది. చిరంజీవి కూడా ఓ మల్టీస్టారర్ మూవీ చేయబోతున్నారట. యంగ్ హీరో దగ్గుబాటి రానాతో కలిసి నటించేందుకు మెగాస్టార్ సిద్ధమయ్యారని సమాచారం. ఈ చిత్రంలో సెకండ్ హీరోగా రానా కనిపించనున్నాడు. ప్రస్తుతం చిరంజీవి కొరటాల శివ తెరకెక్కిస్తున్న ‘ఆచార్య’లో నటిస్తున్నారు.
