బాలీవుడ్ స్టార్ హీరో అమీర్ ఖాన్ న‌టిస్తోన్న చిత్రం ‘లాల్ సింగ్ చడ్డా’. అద్వైత్ చంద‌న్ డైరెక్ష‌న్‌లో వస్తున్న ఈ సినిమాను అమీర్ ఖాన్ ప్రొడ‌క్ష‌న్స్, వ‌యాకామ్ 18 పిక్చ‌ర్స్ సంయుక్తంగా నిర్మిస్తున్నాయి. కాగా ఈ చిత్రాన్ని తెలుగులో మెగాస్టార్ చిరంజీవి స‌మ‌ర్పిస్తున్నారు. తాజాగా మేక‌ర్స్ అదిరిపోయే అప్‌డేట్ అందించారు. హీరోయిన్ క‌రీనాక‌పూర్ పోషిస్తున్న రూప పాత్ర లుక్‌ను విడుదల చేశారు. ఈ అప్‌డేట్‌ను చిరంజీవి ట్విట‌ర్ ద్వారా షేర్ చేసుకున్నారు.
లాల్ సింగ్ చడ్డా ప్రేయసి ‘రూప’ని మీకు పరిచయం చేస్తున్నా.. వీళ్లిద్దరి బంధం గురించి ఒక్క మాటలో చెప్పాలంటే ‘ముద్దపప్పు-ఆవకాయ’. అంటూ ట్వీట్ చేశారు చిరు. ఈ ట్వీట్ ఇపుడు సోషల్‌ మీడియాలో వైరల్‌ అవుతుంది. ఇప్ప‌టికే చిరంజీవి కోసం హైద‌రాబాద్‌లోని ఆయ‌న ఇంట్లో అమీర్‌ఖాన్ స్పెష‌ల్ షో వేసిన విష‌యం తెలిసిందే. చిరు ఇంట్లో ఏర్పాటు చేసిన ఈ షోకు అమీర్‌తోపాటు నాగార్జున, నాగ‌చైత‌న్య, సుకుమార్‌, రాజ‌మౌళి హాజ‌ర‌య్యారు. ఈ చిత్రం ఆగ‌స్టు 11న గ్రాండ్‌గా థియేట‌ర్ల‌లో విడుదల కాబోతుంది. హాలీవుడ్ కామెడీ డ్రామా ఫారెస్ట్‌ గంప్‌కు రీమేక్‌గా వ‌స్తుంది లాల్ సింగ్ చ‌ద్ధా. ఈ ప్రాజెక్టుతో నాగ‌చైత‌న్య బాలీవుడ్ ఎంట్రీ ఇస్తున్నాడు.
‘లాల్ సింగ్ చడ్డా’ ప్రేయసి ‘రూప’ని మీకు పరిచయం చేస్తున్నాను…వీళ్లిద్దరి బంధం గురించి ఒక్క మాటలో చెప్పాలంటే ‘ముద్దపప్పు-ఆవకాయ’.
Introducing Rupa from #LaalSinghChaddha #Rupa #KareenaKapoorKhan #AamirKhan @AKPPL_Official @Viacom18Studios @chay_akkineni #11August22Release pic.twitter.com/fcKUJ4QTy3
— Chiranjeevi Konidela (@KChiruTweets) July 18, 2022
