మెగాస్టార్‌ చిరంజీవి బాలీవుడ్‌ నటి కంగనా రనౌత్‌ను ప్రశంసించారు. ‘మణికర్ణిక’ సినిమాలో ఆమె నటన‌ను మెచ్చుకున్నారు. కాగా చిరంజీవి హీరోగా నటిస్తున్న మూవీ ‘సైరా నరసింహారెడ్డి’. ఈ చిత్ర రచయితలు, సాంకేతిక నిపుణులతో కలిసి ఏఎమ్‌బీ సినిమాస్‌ మల్టీప్లెక్సులో చిరు ‘మణికర్ణిక’ను వీక్షించారు. కంగన నటన, పోరాట ఘట్టాలు చిరుకు ఎంతో నచ్చాయట.
‘మణికర్ణిక’ సినిమాకు కంగనా రనౌత్‌, క్రిష్‌ దర్శకత్వం వహించారు. జనవరి 25న సినిమా ప్రేక్షకుల ముందుకు వచ్చింది. వీర వనిత ఝాన్సీ లక్ష్మీబాయి జీవితం ఆధారంగా తెరకెక్కించిన చిత్రమిది. ఈ సినిమా విమర్శకుల ప్రశంసలు అందుకుంది. అంతేకాదు బాక్సాఫీసు వద్ద కూడా చక్కటి వసూళ్లు రాబడుతోంది. ఈ చిత్రం దేశవ్యాప్తంగా తొలి రోజున (శుక్రవారం) హిందీ, తెలుగు, తమిళ భాషల్లో కలిపి రూ.8.75 కోట్లు, శనివారం రూ.18.10 కోట్లు, ఆదివారం రూ.15.70 కోట్లు, సోమవారం రూ.5.10 కోట్లు మొత్తం రూ.47.65 కోట్లు వసూలు చేసినట్లు విశ్లేషకుడు తరణ్‌ ఆదర్శ్‌ ట్వీట్‌ చేశారు.
