మెగాస్టార్ చిరంజీవి ‘154వ’ మూవీ టైటిల్ రిలీజ్‌ డేట్‌ ఫిక్స్‌ అయింది. బాబీ డైరెక్షన్‌లో వస్తున్న ఈ సినిమా టైటిల్ టీజర్ దీపావళి సందర్భంగా అక్టోబరు 24న ఉదయం 11.07 గంటలకు విడుదల చేయనున్నారు. ఈ దీపావళికి మనం ‘మాస్ మూలవిరాట్’ కు స్వాగతం పలుకుదాం అంటూ చిత్ర నిర్మాణ సంస్థ మైత్రీ మూవీ మేకర్స్ ఓ ప్రకటనలో తెలిపింది. “బాస్ వస్తున్నాడు… పూనకాలు లోడింగ్” అంటూ మెగా ఫ్యాన్స్ ను హుషారెత్తించేలా ట్వీట్ చేసింది.
కాగా ఈ సినిమాకి ‘వాల్తేరు వీరయ్య’ అనే పేరు పరిశీలనలో ఉన్నట్టు తెలుస్తోంది. దాదాపు ఇదే టైటిల్ ఖరారు అవుతుంది అని భావిస్తున్నారు. శృతిహాసన్ హీరోయిన్‌గా నటిస్తుండగా.. మాస్ మహారాజా రవితేజ ఓ కీలకపాత్ర పోషిస్తున్నారు.
