Crime News: కరుడుగట్టిన దొంగల ముఠా చెడ్డీగ్యాంగ్ గత కొన్నాళ్లుగా సైలైంట్‌గా ఉంది. గతేడాది ఆగస్టులో మియాపూర్ ప్రాంతంలో ఒకసారి వీరి కదలికలు కనిపించాయి. మళ్లీ ఇన్నాళ్లకు ఇప్పుడు హైదరాబాద్‌లో మళ్లీ ప్రత్యక్షమైంది ఈ గ్యాంగ్.
మియాపూర్‌లోని ఓ ప్రైవేట్ స్కూల్‌లో చొరబడి లక్షల రూపాయల నగదు దోచుకుంది. స్కూల్‌లోని సీసీటీవీలో వారు దోచుకుంటున్న దృశ్యాలు రికార్డయ్యాయి. శనివారం రాత్రి వరల్డ్ వన్ స్కూల్‌లోకి ముసుగులు, చెడ్డీలతో చొరబడిన ఇద్దరు దొంగలు టేబుల్ డ్రాలో ఉన్న రూ. 7.85 లక్షలు దోచుకెళ్లారు.
స్కూలు యాజమాన్యం ఫిర్యాదు మేరకు రంగంలోకి దిగిన పోలీసులు దర్యాప్తు చేపట్టారు. చెడ్డీగ్యాంగ్ ముఠా హైదరాబాద్‌లో దిగిందన్న వార్తతో మియాపూర్ పరిసర ప్రాంత వాసుల్లో ఆందోళన కలిగిస్తుంది.
మియపూర్‌లో చెడ్డి గ్యాంగ్ చోరీ…
వరల్డ్ వన్ స్కూల్ కౌంటర్‌లో ఉన్న 7 లక్షల 85 వేల నగదును చోరీ చేసిన ఇద్దరు దొంగలు. పోలీసులకి పిర్యాదు చేసిన స్కూల్ యాజీమాన్యం.
కేసు నమోదు చేసి దర్యాప్తు చేస్తున్న మియాపూర్ పోలీసులు. pic.twitter.com/UXs7cbVUCf
— Telugu Scribe (@TeluguScribe) March 17, 2024
