లారెన్స్- కంగనా రనౌత్ ప్రధాన పాత్రలో నటిస్తున్న చిత్రం ‘చంద్రముఖి 2’. ‘చంద్రముఖి’ సినిమాకి విద్యాసాగర్ సంగీతాన్ని సమకూర్చగా, ఈ సినిమాకి కీరవాణి సంగీతాన్ని అందించారు. కొంతసేపటి క్రితం ఈ సినిమా నుంచి థర్డ్‌ సింగిల్ ప్రోమోను రిలీజ్ చేశారు. పూర్తి లిరికల్ సాంగ్ ను రేపు సాయంత్రం 5 గంటలకు రిలీజ్ చేయనున్నట్టుగా ప్రకటించారు.
ఈ సినిమాలో కంగనా లుక్ అందరిలో ఆసక్తిని రేకెత్తిస్తోంది. ఇక ఈ తరహా సినిమాలు చేయడంలో లారెన్స్ కి మంచి అనుభవం ఉంది. అందువలన ఆయన వైపు నుంచి కూడా ఈ సినిమా ఉత్కంఠను పెంచుతోంది. ఈ నెల 28వ తేదీన ఈ సినిమా విడుదల కానుంది. జ్యోతిక ప్రధాన పాత్రలో నటించిన ‘చంద్రముఖి’ సినిమాకి ఎంత హిట్‌ అయిందో ప్రత్యేకించి చెప్పనవసరం లేదు. మరి ఈ సినిమా ప్రేక్షకులను ఎంత వరకూ ఆకట్టుకుంటుందో చూడాలి.
