కోలీవుడ్ స్టార్ హీరో ధ‌నుష్, ప్రియాంక అరుల్‌ మోహన్‌ జంటగా న‌టిస్తున్న తాజాగా చిత్రం ‘కెప్టెన్ మిల్లర్‌’ అరుణ్‌ మాథేశ్వరన్ ఈ సినిమాకు ద‌ర్శ‌క‌త్వం వ‌హిస్తున్నాడు. సంక్రాంతి కానుక‌గా ఈ సినిమా ప్రేక్షకుల ముందుకు రానుంది. తెలుగు, తమిళం, హిందీ భాషల్లో ఈ సినిమా విడుదల కానుంది.
ఈ సందర్భంగా మేక‌ర్స్ వరుస అప్‌డేట్‌లు ప్ర‌క‌టిస్తున్నారు. ఇప్ప‌టికే ఈ సినిమా నుంచి ఫ‌స్ట్ సింగిల్ ‘కిల్లర్‌ కిల్లర్‌’ విడుదల చేయ‌గా ప్రేక్షకుల నుంచి మంచి రెస్పాన్స్ వ‌చ్చింది. తాజాగా ఈ సినిమా నుంచి సెకండ్ సింగిల్ అప్‌డేట్ వ‌చ్చింది.
క్రీనీడలే అంటూ సాగే రెండో పాట‌ను రేపు సాయంత్రం 5 గంట‌ల‌కు విడుదల చేయ‌నున్న‌ట్లు చిత్రయూనిట్ సోష‌ల్ మీడియా వేదిక‌గా ప్ర‌క‌టించింది. విప్లవయోధుడు కెప్టెన్ మిల్లర్‌ స్పూర్తితో ఈ సినిమాను సత్య జ్యోతి ఫిలిమ్స్‌ తెరకెక్కిస్తుంది.
ఈ మూవీలో కన్నడ స్టార్ హీరో శివరాజ్‌ కుమార్‌ తో పాటు సందీప్‌ కిషన్‌, నివేదితా సతీశ్‌, ఎడ్వర్డ్‌ సొన్నెన్‌బ్లిక్ త‌దిత‌రులు కీల‌క పాత్ర‌లు పోషిస్తున్నారు. జీవీ ప్రకాశ్‌ కుమార్‌ సంగీతం అందిస్తున్నాడు.
