టాలీవుడ్‌ స్టార్‌ డైరెక్టర్‌ కె.రాఘవేంద్రరావు దర్శకత్వ పర్యవేక్షణలో తెరకెక్కుతున్న సినిమా ‘పెళ్లి సంద..డి’. హీరో శ్రీకాంత్ తనయుడు రోషన్ ఈ చిత్రంలో హీరోగా నటిస్తున్నాడు. గౌరీ రోనంకి దర్శకత్వంలో వస్తున్న ఈ సినిమాలో శ్రీలీల హీరోయిన్‌గా నటిస్తుంది. ఇప్పటికే పెళ్లి సందడి ప్రచార పోస్టర్లు ఆకట్టుకున్నాయి. తాజాగా ఈ రోజు ఉదయం ఈ చిత్రం నుంచి రెండోవ పాట `బుజ్జులు బుజ్జులు` సాంగ్ రిలీజైంది.
కీరవాణి సంగీతం అందించగా.. బాబా సైగల్, మంగ్లీ ఈ పాటను ఆలపించగా బోస్ లిరిక్ అందించారు. ఆర్కా మీడియా సంస్థ ఈ చిత్రాన్ని నిర్మిస్తోంది. 90ల నాటి బ్లాక్ బస్టర్ క్లాసిక్ మూవీ ‘పెళ్లి సందడి’ టైటిల్ రిపీటవుతోంది అనగానే అభిమానులంతా ఈ సినిమా కోసం ఆసక్తిగా ఎదురు చూస్తున్నారు.
