నటుడు రాజీవ్ కనకాల, యాంకర్ సుమ తనయుడు రోషన్ ఇప్పుడు హీరోగా ఎంట్రీ ఇవ్వబోతున్న సంగతి తెలిసిందే. మహేశ్వరీ మూవీస్ – పీపుల్ మీడియా సంస్థలు సంయుక్తంగా ఈ సినిమాను నిర్మిస్తున్నాయి. ‘క్షణం’ సినిమాతో పేరు తెచ్చుకున్న రవికాంత్ పేరెపు ఈ సినిమాకి దర్శకుడు. ప్రస్తుతం ఈ సినిమా చిత్రీకరణ దశలో ఉంది.
రోషన్ హీరోగా నటిస్తున్న ఈ సినిమాకి ‘బబుల్ గమ్’ అనే టైటిల్‌ను ఫిక్స్‌ చేశారు. తాజాగా ఈ సినిమాకి సంబంధించిన ఫస్టులుక్ పోస్టర్ ను సోషల్ మీడియా ద్వారా రాజమౌళి రిలీజ్ చేయగా మంచి రెస్పాన్స్ వచ్చింది. రోషన్ లుక్ కి మంచి మార్కులు పడ్డాయి. ఈ నేపథ్యంలో కొంతసేపటి క్రితం ఈ సినిమా నుంచి టీజర్ ను రిలీజ్ చేశారు.
హీరో- హీరోయిన్ కాంబినేషన్ సీన్స్ పై ఈ టీజర్ ను కట్ చేశారు. లవ్, రొమాన్స్, యాక్షన్, ఎమోషన్ కి సంబంధించిన సన్నివేశాలను కవర్ చేశారు. ఈ సినిమాలో రోషన్ జంటగా ‘మానస’ హీరోయిన్‌గా నటిస్తోంది. ఆమెకి కూడా తెలుగులో ఇదే మొదటి సినిమా. ఈ ప్రేమకథా చిత్రానికి శ్రీచరణ్ పాకాల సంగీతాన్ని సమకూర్చుతున్నాడు.
