ఆనంద్‌ దేవర కొండ హీరోగా నటించిన తాజా చిత్రం బేబీ. ఈ సినిమా సూపర్ హిటైన సంగతి తెలిసిందే. ఈ సినిమా తరువాత ఆనంద్‌ ‘గం..గం..గణేశా’ సినిమా చేస్తున్నాడు. ఉదయ్‌ శెట్టి దర్శకుడిగా పరిచయమౌతున్నాడు. యాక్షన్‌ ఎంటర్‌టైనర్‌గా వస్తోన్న ఈ మూవీ నుంచి ఇటీవలే ఫస్ట్ సింగిల్‌ బృందావనివే ప్రోమోను లాంఛ్ చేయగా.. నెట్టింట వీడియో వైరల్ అవుతోంది.
తాజాగా ఫుల్‌ లిరికల్ వీడియో సాంగ్‌ను రష్మిక మందన్నా విడుదల చేసింది. ఆనందా.. ఇది నీ కోసమే.. ప్రేమిస్తున్నా (బేబి సాంగ్‌) పాటకంటే సూపర్ డూపర్ హిట్టవుతుందని ఆశిస్తున్నానంటూ ట్వీట్ చేసింది రష్మిక. హీరోహీరోయిన్ల మధ్య సాగే సూపర్ ట్రాక్‌తో సిద్ శ్రీరామ్‌ పాడిన ఈ పాట మూవీ లవర్స్‌ను ఇంప్రెస్ చేస్తోంది. మేకర్స్‌ ఇటీవలే విడుదల చేసిన గం..గం..గణేశా ఫస్ట్ లుక్‌, మోషన్‌ పోస్టర్‌ నెట్టింట హల్‌ చల్ చేస్తున్నాయి.
ఈ సినిమాని హై-లైఫ్‌ ఎంటర్‌టైన్‌మెంట్‌ బ్యానర్‌పై కేదార్‌ సెలగంశెట్టి, వంశీ కారుమంచి నిర్మిస్తున్నారు. బేబితో సూపర్ సక్సెస్‌ను ఎంజాయ్ చేస్తున్న ఆనంద్‌ దేవరకొండ గం గం గణేశాతో ఎలాంటి వినోదాన్ని అందిస్తాడో చూడాలి మరి.
