మలయాళ సూపర్‌ స్టార్ మోహన్ లాల్ వరుస సినిమాలతో బిజీగా ఉన్నారు. తాజాగా ఆయన ‘భ్రమ యుగం’ సినిమా చేస్తున్న సంగతి తెలిసిందే. ఈ సినిమా ప్రకటించినప్పటి నుండి ప్రేక్షకుల్లో ఆసక్తి నెలకొంది. 1960ల దశకంలోని కథగా వస్తున్న ఈ సినిమా ఫిబ్రవరి 15 ప్రేక్షకుల ముందుకు రానుంది.
మలయాళ హారర్ ఫిలిం గా తెరకెక్కిస్తున్న ఈ సినిమా తెలుగు, తమిళ, కన్నడ, హిందీ భాషల్లో విడుదల చేసేందుకు సన్నాహాలు చేస్తున్నారు. అయితే తాజాగా ఈ సినిమాకు సంబంధించిన రిలీజ్ డేట్ మరోసారి ధృవీకరిస్తూ ఒక పోస్టర్ రిలీజ్ చేసింది సినిమా యూనిట్.
దీంతో పాటుగా ఒక ఆసక్తికరమైన విషయాన్ని కూడా వెల్లడించింది. ఈ సినిమాని బ్లాక్ అండ్ వైట్ లోనే రిలీజ్ చేస్తున్నామని వెల్లడించింది. రాహుల్ సదాశివన్ డైరెక్షన్‌లో వస్తున్న ఈ మూవీలో మమ్ముట్టి పాత్ర చాలా కొత్తగా ఉంటుంది అని తెలుస్తుంది. ఇక అర్జున్ అశోకన్, సిద్దార్థ్ భారతన్, మలయాళ మణికందన్ నటిస్తున్న ఈ సినిమాని నైట్ షిఫ్ట్ స్టూడియోస్, వై నాట్ స్టూడియోస్ బ్యానర్లు ఈ సినిమాను సంయుక్తంగా నిర్మిస్తున్నాయి.
