దర్శకేంద్రుడు కె.రాఘవేంద్రరావుతో బ్రహ్మానందం అనుబంధం గురించి ప్రత్యేకించి చెప్పనవసరం లేదు. వీరిద్దరి కలయికలోనూ ఎన్నో హిట్ సినిమాలు వచ్చాయి. తాజాగా శ్రీకాంత్ నటవారసుడు రోషన్ తో రాఘవేంద్రుడు తీస్తున్న ‘పెళ్లి సందడి’ సినిమా చేస్తున్నాడు. ఈ సినిమాలో బ్రహ్మానందం నటిస్తున్నట్లు తెలుస్తోంది. ఇందులో బిల్డప్ బాబాయ్ అనే ఓ వెరైటీ పాత్రలో హాస్యం పండించబోతున్నాడట. నిజానికి ఇది జబర్దస్త్ లోని గెటప్ శ్రీను వేసిన బిల్డప్ బాబాయ్ పాత్ర స్ఫూర్తిగా రూపొందిందట. `నమ్మరేంట్రా బాబూ` అంటూ ఓ విధమైన మేనరిజంతో గెటప్ శ్రీను ఆకట్టుకున్నారు. ఇప్పుడు బ్రహ్మీ అదే తరహా పాత్రలో కనిపిస్తాడట. ఇటీవల ‘జాతిరత్నాలు’లో జడ్జి పాత్రతో మెరుపులు మెరిపించారు బ్రహ్మానందం. ఇప్పుడు ఈ ‘పెళ్ళిసందడి’ లోనూ రాఘవేంద్రరావు కోరిక మేరకు నటిస్తున్నారట. మరి బిల్డప్ బాబాయ్ గా బ్రహ్మీ ఎలా నవ్విస్తాడో చూడాలి.
