నందమూరి బాలకృష్ణ హోస్టుగా వ్యవహరిస్తున్న షో“అన్‌స్టాపబుల్ విత్ ఎన్బీకే”. ఈ షోకు వచ్చిన అతిథులు బాలయ్యతో కలిసి చేస్తున్న హడావిడికి ప్రేక్షకులు ఫిదా అవుతున్నారు. నవంబర్ 4న ‘ఆహా’లో ప్రీమియర్ అయినప్పటి నుండి రికార్డు స్థాయిలో ఈ షోకు వ్యూస్ వస్తుండడం విశేషం. మొదటి ఎపిసోడ్ లో మంచు కుటుంబం… మోహన్ బాబు, లక్ష్మి మంచు, విష్ణు మంచు, సెకండ్ ఎపిసోడ్ లో నేచురల్ స్టార్ నాని పాల్గొనగా అదిరిపోయే స్పందన వచ్చింది. తాజాగా ఈ షో 3 మిలియన్ వ్యూస్ సాధించి సరికొత్త రికార్డును క్రియేట్ చేసింది. ఇదిలా ఉండగా బాలయ్య షోలో బ్రహ్మీ సందడి చేయబోతున్నారు. తాజా ఎపిసోడ్ లో హాస్యబ్రహ్మ “అన్‌స్టాపబుల్” ఫన్ తో తెలుగు ‘ఆహా’ అభిమానులను అలరించనున్నారు. డైరెక్టర్ అనిల్ రావిపూడి సైతం ఈ నెక్స్ట్ ఎపిసోడ్ లో మెరవబోతున్నారన్న విషయాన్ని మేకర్స్ అధికారికంగా ప్రకటించారు.
నందమూరి బాలకృష్ణ భుజానికి శస్త్ర చికిత్స జరగడంతో కొన్ని రోజులు ఆగిపోయిన “అన్‌స్టాపబుల్ విత్ ఎన్బీకే” మళ్ళీ మొదలైంది. బాలయ్యతో అనిల్ రావిపూడి, బ్రహ్మానందం చేయబోయే ఫన్ చూడాలంటే రేపటి వరకూ ఆగాల్సిందే. ఈ స్పెషల్ ఎపిసోడ్ డిసెంబర్ 3న ‘ఆహా’లో ప్రసారం అవుతుంది.
మరోవైపు బాలకృష్ణ- బోయపాటి శ్రీను కాంబినేషన్‌లో వచ్చిన‘అఖండ’(డిసెంబర్2) రేపు ప్రపంచవ్యాప్తంగా భారీ సంఖ్యలో గ్రాండ్‌గా థియేటర్లలోకి వస్తుంది. ప్రగ్యా జైస్వాల్ హీరోయిన్‌గా నటిస్తుంది.
