బోయపాటి శ్రీను, రామ్ పోతినేని కాంబినేషన్‌లో రాబోతున్న క్రేజీ మూవీ కోసం ప్రేక్షకులు ఆసక్తిగా ఎదురుచూస్తున్నారు. ఇంకా టైటిల్ ఖరారు కాని ఈ సినిమాకు #BoyapatiRAPO అనేది వర్కింగ్ టైటిల్. ఈ సినిమా టైటిల్ గురించి చిత్రబృందం తాజాగా ఓ ప్రకటన చేసింది.
ఈనెల 3వ తేదీన సినిమా టైటిల్ ప్రకటించబోతున్నారు. దీనికి సంబంధించి వీడియో గ్లింప్స్ను సిద్ధం చేస్తున్నట్టు తెలిపింది. సోమవారం ఉదయం 11.25 గంటలకు ఈ టైటిల్ గ్లింప్స్ను విడుదల చేయబోతున్నారు. ఈ సినిమాకు స్కంద అనే టైటిల్‌ను మేకర్స్ నిర్ణయించినట్లు తెలుస్తోంది.
టైటిల్ గ్లింప్స్ విడుదల తేదీని ప్రకటిస్తూ ఊర మాస్ పోస్టర్‌ను వదిలారు. ఇందులో హీరో రామ్ నీటిలో ప్రత్యర్థులను నరుకుతూ కనిపించారు. మాస్ మ్యాడ్‌నెస్ హయ్యస్ట్ ఆర్డర్‌లో ఉంటుందని చిత్ర నిర్మాణ సంస్థ ట్వీట్ చేసింది.
ఈ సినిమాలో రామ్ సరసన శ్రీలీల రొమాన్స్ చేయబోతుంది. ప్రస్తుతం డబ్బింగ్ కార్యక్రమాలు జరుపుకుంటోంది. దసరా కానుకగా విడుదల చేయాలనుకున్నారు. కానీ బాలకృష్ణ మూవీ భగవంత్ కేసరి ఉన్నందున రామ్ మూవీని కాస్త ముందుగా సెప్టెంబర్ 15న విడుదల చేస్తున్నారు.
తెలుగుతో పాటు తమిళం, కన్నడ, మలయాళం, హిందీ భాషల్లో ప్రపంచవ్యాప్తంగా ఈ చిత్రం విడుదల కానుంది. తమన్ సంగీతం అందిస్తున్న ఈ సినిమా జీ స్టూడియోస్, పవన్ కుమార్ సమర్పణలో శ్రీనివాసా సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తునారు.
