ఇప్పటికే కరోనా వైరస్ కారణంగా ప్రపంచంలో 10వేలమందికిపైగా మరణించారు. రెండున్నర లక్షల మంది వైరస్ తో బాధపడుతున్నారు. అయితే, ఇండియాలో కూడా ఈ వైరస్ వేగంగా విస్తరిస్తోంది. ఇప్పటి వరకు వరకు 214 మందికి వైరస్ సోకినట్టుగా తెలుస్తోంది.
ఇక ఇదిలా ఉంటె బాలీవుడ్ సింగర్ కనికాకపూర్ కు కరోనా పాజిటివ్ అని తేలడంతో ఇండస్ట్రీ అప్రమత్తం అయ్యింది. ఇటీవలే ఈ సింగర్ లండన్ లో ఓ కార్యక్రమంలో పాల్గొని ఇండియా వచ్చింది. అలానే లండన్ నుంచి వచ్చిన తరువాత ఓ ఫైవ్ స్టార్ హోటల్ లో ఉండటమే కాకుండా ఓ పార్టీలో కూడా పాల్గొన్నట్టుగా తెలుస్తోంది. కనికా కపూర్ కు కరోనా పాజిటివ్ అని తేలిన వెంటనే ఆమెను లక్నోలో ఉన్న కెజీఎంయు హాస్పిటల్ కు తరలించారు.
