పవర్‌ స్టార్ పవన్ కల్యాణ్ ప్రస్తుతం పలు సినిమాలతో బిజీగా ఉన్నారు. ఆయన నటిస్తున్న సినిమాల్లో ‘హరిహర వీరమల్లు’ ఒకటి. జాగర్లమూడి క్రిష్ డైరెక్షన్‌లో వస్తున్న ఈ సినిమా షూటింగ్ శరవేగంగా జరుపుకుంటోంది. ఎం.ఎం. రత్నం సమర్పణలో మెగా సూర్య ప్రొడక్షన్స్ పతాకంపై ఎ. దయాకర్ రావు ఈ చిత్రాన్ని నిర్మిస్తున్నారు. నిధి అగర్వాల్ హీరోయిన్ గా నటిస్తోంది. ఈ పీరియాడికల్ యాక్షన్ చిత్రంలో పవన్ రెండు పాత్రల్లో కనిపించబోతున్నారు. ఇప్పుడు ఈ సినిమాలో ప్రముఖ బాలీవుడ్ నటుడు బాబీ డియోల్ కీలక పాత్ర పోషిస్తున్నారు.
ఈ విషయాన్ని మూవీ యూనిట్‌ అధికారికంగా ప్రకటించింది. షూటింగ్ లో పాల్గొనేందుకు ఆయన సెట్ కు వచ్చిన వీడియోను శనివారం విడుదల చేసింది. మొఘల్ చక్రవర్తి ఔరంగజేబు పాత్రలో బాబీ డియోల్ కనిపిస్తారని తెలుస్తోంది. రామోజీ ఫిల్మ్ సిటీలో వేసిన దర్బార్ సెట్లో పవన్, బాబీపై కీలక సన్నివేశాలు తెరకెక్కించేందుకు దర్శకుడు క్రిష్ షెడ్యూల్ రూపొందించారు. ఎంఎం కీరవాణి సంగీతం అందిస్తున్న ఈ చిత్రం వచ్చే ఏడాది వేసవిలో విడుదల కానుంది.
Delighted and excited to welcome actor par excellence and big action stars of Indian Cinema @thedeol into our mighty #HariHaraVeeraMallu. Embrace for an exciting ride 🌟🌟https://t.co/O0IpIHQmix@PawanKalyan @AgerwalNidhhi @mmkeeravaani @AMRathnamOfl @ADayakarRao2 @HHVMFilm
— Krish Jagarlamudi (@DirKrish) December 24, 2022
