రెబల్‌ స్టార్‌ ప్రభాస్ నటించిన సినిమాల్లో ‘బిల్లా’ ఒకటి. మెహర్‌ రమేష్ డైరెక్షన్‌లో 2009లో రిలీజ్ అయింది. విడుదలైన మొదటి రోజు నుంచే పాజిటీవ్‌ టాక్‌ తెచ్చుకున్న.. బాక్సాఫీస్ దగ్గర బ్రేక్‌ ఈవెన్ సాధించలేకపోయింది. ఈ చిత్రంలో ప్రభాస్ డ్యూయల్‌ రోల్‌లో నటించాడు. బిల్లాగా, రంగాగా రెండు పాత్రల్లో విభిన్న వేరియేషన్‌తో ప్రేక్షకులను ఫిదా చేశాడు. ఈ సినిమాలో ప్రభాస్ లుక్స్ గాని, స్టంట్స్ గాని అభిమానులను విపరీతంగా ఆకట్టుకున్నాయి. ఇదిలా ఉంటే అక్టోబర్‌ 23న ప్రభాస్ పుట్టినరోజు సందర్భంగా ‘బిల్లా’ సినిమాని రీ-రిలీజ్ అవుతున్న విషయం తెలిసిందే. ఈ క్రమంలో చిత్రబృందం తాజాగా ట్రైలర్‌ను విడుదల చేసింది.
‘బిల్లా.. ఇండియా, రష్యా, యూఏఈ, థాయిలాండ్‌, మలేషియా దాదాపు 11 దేశాల పోలీసులకు నిద్ర లేకుండా చేస్తున్నాడు’ అంటూ కృష్ణంరాజు వాయిస్‌ ఓవర్‌తో ట్రైలర్ స్టార్ట్‌ అయింది. ఇప్పుడున్న ట్రెండ్‌కు తగ్గట్టు ట్రైలర్‌ను బాగా కట్ చేశారు. యాక్షన్ థ్రిల్లర్‌ నేపథ్యంలో తెరకెక్కిన ఈ చిత్రాన్ని గోపికృష్ణ బ్యానర్‌పై ప్రభాస్ అన్న ప్రభోద్‌ ఉప్పలపాటి నిర్మించాడు.
