టాలీవుడ్ హీరో యంగ్‌ రెబల్‌ స్టార్ ప్రభాస్… పాన్ ఇండియా స్టార్ గా మారాడు. ప్రస్తుతం వరుస సినిమాలతో పాన్ ఇండియా సినిమాలతో పుల్‌ బిజీగా గడుపుతున్నాడు. ఈ ఏడాది ప్రారంభంలో ‘రాధేశ్యామ్’ పూర్తి చేసిన ప్రభాస్.. ప్రస్తుతం ‘సలార్’లో నటిస్తున్నాడు. దీనితో పాటుగా పౌరాణికం రామాయణం నేపథ్యంలో తెరకెక్కుతున్న బాలీవుడ్ మూవీ ఆదిపురుష్ సినిమాలో నటిస్తున్నాడు. ఈ సినిమాలో ప్రభాస్ రాముడుగా.. కృతిసనన్ సీతపాత్రలో.. రావణాసురుడుగా సైఫ్ అలీఖాన్ నటిస్తున్నాడు. తాజాగా ఆదిపురుష్ సినిమా ప్రకటించిన అప్పటినుండి రోజుకో వార్త సోషల్ మీడియాలో వైరల్‌ అవుతోంది.
తాజాగా ఆదిపురుష్ సినిమా గురించి మరో క్రేజీ న్యూస్ ఇండస్ట్రీ వర్గాలలో చక్కర్లు కొడుతోంది. బాలీవుడ్ బిగ్ బాస్ విన్నర్ సిద్ధార్థ్ శుక్లా ఆదిపురుష్ సినిమాలో కీలకపాత్ర పోషించనున్నట్లు వార్తలు వినిపిస్తున్నాయి. డైరెక్టర్ ఓంరౌత్ ఈ సినిమాలోని మేఘనాధుడు అనే పాత్రకోసం సిద్ధార్థ్ ను సంప్రదించినట్లు సమాచారం. బిగ్ బాస్ ప్రోగ్రాం ద్వారా మంచి క్రేజ్ ఫాలోయింగ్ దక్కించుకున్నాడు సిద్ధార్థ్. ప్రస్తుతం సిద్దార్థ్ నుండి ఎలాంటి స్పందన రాలేదట. మేకర్స్ కూడా అతని కన్ఫర్మేషన్ గురించి వెయిట్ చేస్తున్నట్లు తెలుస్తుంది. ఈయన తెలుగు ప్రేక్షకులకు చిన్నారి పెళ్లి కూతురు సీరియల్‌ ద్వారా సుపరిచితమే.
