Bigg Boss Telugu Contestants:
టెలివిజన్ ప్రేక్షకుల్లో మంచి పాపులారిటీ పొందిన శోభా శెట్టి మరోసారి హాట్ టాపిక్‌గా మారింది. తెలుగు బిగ్ బాస్ 7లో పాల్గొని అందరి దృష్టిని ఆకర్షించిన ఈ టీవీ నటిని, ఇప్పుడు కన్నడ బిగ్ బాస్ లో వైల్డ్ కార్డ్ ఎంట్రీ ద్వారా చూడచ్చు.
కిచ్చా సుదీప్ హోస్ట్‌గా వ్యవహరిస్తున్న కన్నడ బిగ్ బాస్ 10వ సీజన్‌లో.. శోభా శెట్టి ప్రవేశించడం అందరిలో ఆసక్తిని రేపుతోంది. శోభా శెట్టి స్వస్థలం కర్ణాటక కావడంతో, ఆమె ఈ షోలో ఇంకా బాగా ఆడగలదు అని ఫ్యాన్స్ చెబుతున్నారు. శోభా తెలుగు టీవీ సీరియల్స్ ద్వారా సుపరిచితురాలు కాగా, కన్నడ టెలివిజన్‌లో కూడా మంచి అనుభవం ఉంది.
తెలుగు బిగ్ బాస్ 7లో ఆమె స్ట్రాంగ్ కంటెస్టెంట్ గా దాదాపు ఫైనాన్స్ దాకా వెళ్ళింది. అయితే కొన్ని వివాదాస్పద వ్యాఖ్యల కారణంగా ఆమె పెద్ద చర్చనీయాంశంగా మారింది. ఇప్పుడు ఆమె కన్నడ బిగ్ బాస్ 10లోకి అడుగుపెట్టడం, షోకు మరింత బజ్ తెస్తుంది.
వైల్డ్ కార్డ్ ఎంట్రీగా శోభా చేరడంతో, ఇంటి సభ్యుల మధ్య ఉన్న రిలేషన్స్ ఎలా మారతాయో చూడాలి. ఆమె గత అనుభవం, వివాదాలను గమనిస్తే, ఈసారి కూడా షోలో ఎన్ని వివాదాల్లో ఇరుక్కుంటుందో వేచిచూడాలి.
