తెలుగు బిగ్ బాస్ ఫేమ్, సీరియల్‌ నటుడు మానస్ వివాహం నిన్న రాత్రి ఘనంగా జరిగింది. విజయవాడలోని మురళీ రిసార్ట్స్ వేదికగా పెళ్లి వేడుక జరిగింది. చెన్నైకు చెందిన శ్రీజను ఆయన పెళ్లాడారు. ఈ వివాహ వేడుకకు ఇరు కుటుంబసభ్యులతో పాటు సినీ, టెలివిజన్ రంగాలకు చెందిన పలువురు హాజరయ్యారు.
ప్రస్తుతం వీరి పెళ్లి ఫొటోలు సోషల్ మీడియాలో వైరల్ అవుతున్నాయి. పలు తెలుగు సీరియల్స్ లో మానస్ నటించారు. బిగ్ బాస్ సీజన్ 5 ఫైనలిస్ట్ అయిన మానస్… తన ఆటతో ప్రేక్షకులను అలరించారు. ఓంకార్ తెరకెక్కించిన ‘మ్యాన్షన్ 24’ సిరీస్ లో కూడా మానస్ నటించారు. మరోవైపు, కొత్త జంటకు అభిమానులు, నెటిజన్లు శుభాకాంక్షలు తెలియజేస్తున్నారు.
