బిగ్ బాస్ బ్యూటీ కీర్తి పెళ్లి పీటలు ఎక్కబోతోంది. తన ప్రియుడు కార్తీక్ తో ఆమె నిశ్చితార్థం వైభవంగా జరిగింది. ఈ వేడుకకు సీరియల్ బిగ్ బాస్ టీమ్, నటీనటులు, సెలబ్రిటీలు హాజరయ్యారు. కార్తీకదీపం నటిగా కీర్తి మంచి గుర్తింపు తెచ్చుకున్న కీర్తి.. బిగ్ బాస్ షోతో ప్రేక్షకులకు మరింత చేరువయింది. కీర్తి ప్రియుడు కార్తీక్ కూడా నటుడే. కొరియోగ్రాఫర్ గా కెరీర్ ను ప్రారంభించిన కార్తీక్ పలు కన్నడ సినిమాల్లో నటించాడు.
ఒక సినిమాకు దర్శకత్వం కూడా వహించాడు. తెలుగులో పలు వెబ్ సిరీస్ లలో నటించాడు. కీర్తి పూర్తి పేరు కీర్తి భట్. బెంగళూరులో జన్మించిన కీర్తికి చిన్నతనం నుంచే సినిమాలపై ఆసక్తి ఉంది. దీంతో ఆమె నటనలో శిక్షణ తీసుకుంది. డ్యాన్స్ కూడా నేర్చుకుంది. కన్నడ సినీరంగం నుంచి ఇండస్ట్రీలోకి ఎంట్రీ ఇచ్చింది. 2017లో ‘ఐస్ మహల్’ అనే సినిమాతో ఎంట్రీ ఇచ్చింది. ఆరేళ్ల క్రితం ఒక రోడ్డు ప్రమాదంలో ఆమె కుటుంబం మొత్తాన్ని కోల్పోయింది.
