Bigg Boss 8 Telugu Nagarjuna:
టాలీవుడ్ కింగ్ నాగార్జున అక్కినేని టెలివిజన్ హోస్ట్ గా కూడా తనకంటూ ప్రత్యేక గుర్తింపు తెచ్చుకున్నారు. బిగ్ బాస్ తెలుగు షోను మూడవ సీజన్ నుండి ఆయనే నిర్వహిస్తున్నారు. ప్రస్తుతం ఎనిమిదవ సీజన్ కూడా నాగార్జున నిర్వహిస్తున్నారు, ఆయన హోస్టింగ్ స్కిల్స్ పై ప్రజల్లో మంచి అభిప్రాయం ఉంది.
ఈ సీజన్‌లో మాత్రం ఆయనపై ఒక ఫిర్యాదు వినిపిస్తోంది. సాధారణంగా, నాగార్జున మొదటి వారాల్లో పోటీదారులపై కోపంగా మాట్లాడరు. అందరిలోనూ కేవలం మంచి విషయాలను మాత్రమే చెబుతారు. రోజులు గడిచే కొద్దీ వారిలోని తప్పులను కూడా వేలెత్తి చూపిస్తూ ఉంటారు. కానీ, ఈ సీజన్‌లో మొదటి వారం నుంచే ఆయన కాస్త ఆగ్రహం చూపిస్తున్నారు.
నాగార్జున లో వచ్చిన ఈ మార్పు ప్రేక్షకులకు ఇంకా బాగా నచ్చేసింది. తాజాగా మూడవ వారానికి చేరుకున్న షోలో, నాగ్ తన హోస్టింగ్ స్కిల్స్ తో కూడా ఇంప్రస్ చేస్తున్నారు. యశ్మీ గౌడా గేమ్‌ గురించి నాగార్జున బాగా ప్రశ్నలు వేశారు. ఆమె సంచాలక్‌గా ఉన్నప్పుడు, మణికంఠ, సీతల మధ్య జరిగిన టాస్క్‌లో ఆమె చేసిన తప్పులపై ప్రశ్నించారు.
Read More: Big 8 Telugu రెండవ వారమే ఇంత పెద్ద ట్విస్ట్ ఏంటి?
యశ్మీ తప్పించుకోవడానికి ప్రయత్నించినప్పుడు, నాగార్జున వీడియో చూపించి మరీ ప్రశ్నించారు. అలాగే, సోనియా గేమ్‌పై కూడా నాగార్జున అభ్యంతరం వ్యక్తం చేశారు. సోనియా తన గేమ్‌ను ఇంకా మొదలుపెట్టలేదు అని నాగార్జున అన్నారు.
నాగార్జున తన పాయింట్లను స్పష్టంగా వ్యక్తపరిచే విధానం అందరికీ నచ్చింది. కానీ నాగార్జున మీద వినిపిస్తున్న ఒకే ఒక్క కంప్లైంట్ ఏంటి అంటే.. టీవీ సీరియల్ నటులపై ఆయన చాలా సాఫ్ట్ గానే ఉంటారు. యశ్మీ విషయంలో కూడా సీరియల్ నటి కాబట్టి.. నాగార్జున చాలా సాఫ్ట్ గా వ్యవహరించారు అని కొందరు అభ్యంతరాలు వ్యక్తం చేస్తున్నారు. మరి ఈ రానున్న ఎపిసోడ్స్ లో నాగార్జున తన వైఖరి మారుస్తారో లేదో చూడాలి.
